اسلام آباد 15 دسمبر (اے پي پي)پخواني خارجه سېكرټري سلمان بشير وئېلي دي چې افغان اولس انساني بحران سره مخ دې٬د سعودي عرب او پاكستان لخوا او آئي سي د افغانستان په اړه متحرك كول د ستائنې وړ ګام دے٬او آئي سي د افغانستان په اړه تل مهم كردار ترسره كړې٬د سعودي عربستان لخوا په افغانستان كښې د بشري صورتحال مخنيوي له د روانو هڅو مشري د ستائنې وړ ده٬ په افغانستان كښې دې د طالبانو عبوري حكومت منلو متنازعه او سختو عواملو څخه دا مهال پام بل پلو وګرځولې شي او په افغانستان كښې دې د بشري او معاشي تباهۍ په اړه كوټلي نړيوال دريځ رامخې ته كړی شي۔ نوموړي سعودي ورځپاڼه عرب نيوز كښې خپور كړې شوي خپل مضمون كښې ووئيل چې د سعودي عربستان او پاكستان شريكو هڅو په نتيجه كښې د دسمبر په 19مه نېټه په اسلام آباد كښې د اسلامي مرستې تنظيم خارجه وزيرانو غېر معمولي عونډه كېږي چې مقصد يې په افغانستان كښې د بشري صورتحال په اړه د ګډې تګلاره جوړول دي۔ تېر اګست كښې د امريكې او ناټو ځواكونو افغانستان څخه د وتلو او د طالبانو د عبوري حكومت په ضد د لوېديزو هېوادونو بندېزونو په نتيجه كښې افغان اولس په لويه كچه بشري او معاشي تباهۍ سره مخ شوي۔د ملګرو ملتونو اندازې له مخې د افغانستان درې كروړه 80 لكه آبادۍ 60 فيصده د خوراك كمي ستونزې سره مخ شوې او هر تېرېدونكې ورځ سره دا صورتحال لا خرابېږي۔د ورلډ فوډ پروګرام له مخې 32 لكه افغان كوچني د خوراك كمي خطرې سره مخ دي۔د كډوالو لپاره د ملګرو ملتونو هائي كمېشن له مخې په افغانستان كښې د جنوري 2021 نه تر ستمبر 2021 شپږ لكه 65 زره كسان بې كوره شوي او د وړاندې نه بې كوره شوې 29 لكه افغان وګړي د دې نه علاوه دي۔ د يخنۍ موسم راتلو صورتحال لا ناوړه كړې۔د افغانستان څخه راتلونكې د نړيوال ابلاغ ذريعو رپورټ د مايوسه كونكې صورتحال عكاسي كوي۔ خپل مضمون كښې پخواني خارجه سېكرټري وئيلي په دې خبره هر څوك پوهېږي چې په نړيواله كچه د انساني اقدارو تعين كونكي پرمختګ كړې قامونو ته د طالبانو په اقتدار كښې راتلل قبول نه دي او هغوي داسې كوم ګام پورته كول نه غواړي كوم سره چې طالبان قوي شي ولې دا هم حقيقت دې چې افغان اولس د دې زيات قيمت ادا كولې شي او سوال د طالبانو د وقار او قانوني حېثيت نه بلكې رياست د ناكامه كېدو او د لويې شمېر انسانانو مصيبت او ستونزو سره د مخ كېدو نه د بچ كول دې۔ امريكا او اروپائي ائتلاف له به په دې اړه خپل دريځ ته بيا كتنه كولو سره د بشري خواخوږۍ په بنياد مرسته حاجت مندو ته د رسولو اجازه وركول وي۔امريكا دې د افغانستان د اثاثو كنګل كولو اقدام ته هم بيا كتنه وكړي او افغان چارواكو ته دې د بنيادي ذمه وارو ترسره كولو لپاره د لس اربه ډالرو رياستي زرمبادله پنګو ته د رسنې موقع وركړي۔د طالبانو عبوري وزيراعظم او خارجه وزير امريكا او نړيوالې ورورولۍ ته يو شمېر وارې اپيل كړې چې هغوي ته دې د زرمبادله پنګو ته د رسنې اجازه وركړې شي۔ده ووئيل او آئي سي د افغانستان په اړه تل مهم كردار ترسره كړې٬د سعودي عرب لخوا په افغانستان كښې د بشري صورتحال ناوړه كېدو مخنيوي هڅو قيادت د ستائنې وړ دے٬ هغه ووئيل نړيوالې ورورولۍ له به افغانستان لپاره متحرك كېدل وي۔ دا وخت د هغه افغان اولس په مرسته كولو د رايو اتفاق لپاره د تخليقي سفارتكارۍ دې٬كوم چې د دوي په بدقسمته هېواد مسلط كړی شويو 40 كلونو خونړي جنګونو د لاسه زيات ځپلې شوي دي
افغان اولس بشري بحران سره مخ دې٬ د سعودي عربستان او پاكستان لخوا او آئي سي د افغانستان په اړه متحرك كول د ستائنې وړ ګام دے۔ پخوانې خارجه سېكرټري سلمان بشير
مضمون کا ماخذ : میٹھا بونانزا
متعلقہ مضامین
