اسلام آباد۔8جون (اے پی پی) د موسمياتي بدلون وفاقي وزيرې سېنېټر شېري رحمان وئيلي دي د موسمياتي بدلون ټاسك فورس په ځنګلونو كښې د اور لګېدو پېښو مخنيوي په لړ كښې سخته نګراني باوري كولو له د زيات خطر سره مخ سيمې په ګوته كړې دي او په صوبو يۍ زور راوړے چې هغوي په دې لړ كښې وضعه كړے نظام كارولو له ګامونه پورته كړي۔ د شورؤ په ورځ د موسمياتي بدلون وزارت اېډيشنل سېكرټري جودت اياز او د فارېسټ آئي جي راجه محمد عمر سره يو ځائ مېډيا ته د بريفنګ وركولو په مهال وفاقي وزيرې ووئيل هغه سيمې كومې چې زيات خطر سره مخ دي د هغې په اړه د ټاسك فورس رپورټ وزيراعظم ته استولے شوے۔ دې ووئيل په هره صوبه كښې د ځنګل په اور د قابو موندلو په لړ كښې به وسائل بېلول او د زيات خطر سره مخ سيمې په ګوته كول وي۔ دې ووئيل د ورځې په بنياد به د هائي رسك سيمو نګراني كول وي۔ دې ووئيل يوازې مارګله نه بلكې نزدې نورو ټولو سيمو لكه مری، کهوټه او نورو سيمو كښې هم اور لګي۔ په دې د قابو موندلو هڅو باوجود د ځنګل اور مونږ لپاره د پرېشانۍ سبب جوړ شوے۔ په دې مهال دې د فائر فائټرز هم ستائنه وكړه كوم چې په سختو سيمو كښې محدود آلات او وسائلو سره بلو لمبو سره مخامخ كېږي۔ دې ووئيل په سويډن كښې سټاك هوم كنفرنس كسې د ګډون په مهال ما په نړيوالو فورمونو موسمياتي سفارت كاري ترسره كړې۔ د بريفنګ په مهال د ماحولياتي بدلون آغېز، ګلوبل وارمنګ، د قدرتي وسيلو انحطاط او په دې د قابو موندلو په اهميت يوه وېډيو هم شريكه كړې شوه. وفاقي وزيرې ووئيل دا وېډيو مېډيا سره ځكه شريكه كړې شوې چې قام او اولس سره د ماحولياتي تحفظ ذمه وارې قبوله كړې شي. په دې مهال وفاقي وزيرې د اسلام آباد وائلډ لائف مېنجمنټ بورډ دوره وكړه او پاک رېنجرز ته ئۍ د ځنګل په اور قابو موندلو كښې د غوره كاركردګۍ په څرګندونه سندونه وركړل
ځنګلونو كښې د اور لګېدو پېښو مخنيوي له زيات خطر سره مخ سيمې په ګوته كړې شوي ٬ سېنېټر شېري رحمن
مضمون کا ماخذ : اسکریچ کارڈ پاکستان
متعلقہ مضامین
