اسلام آباد ۔ 6 فروری (اے پ?? پی) وزیر خارجہ شاہ محمود قریشی آکھیے جو پاکستان خطہ اچ امن اتے خوشحالی چاہندے،مسلہ کشمیر اتے اف??انستان دا پر امن حل نکلنڑا چاہیدے، بھارت مقبوضہ کشمیر دی صورتحال دی گمراہ کن منظر کشی کریندا پئے،آسیہ بی بیا ٓزاد اے جتھاں چاہوے ونج سگدی اے،جیکر لوڑھ پئی تاں تحفظ وی ڈیسوں،پاکستان اف??انستان مسئلہ دے پرامن حل کیتے سہولت کاری جاری رکھیس??، پاکستان اتے امریکہ دے تعلقات چنگے تھیندے پ??ن، پاکستان دہشت گردی دے خلاف وڈیاں کامیابیاں گھدن۔ اے گالھ انہاں بی بی سی نیوز کوںانٹرویو اچ آکھی اے۔انہاں آکھیے جو اقوام متحدہ انسانی حقوق دے کمشنر اتے آل پارٹی پارلیمنٹیرین گروپ دی رپورٹس مقبوضہ کشمیر اچ انسانی حقوق دیاں بدترین خلاف ورزیاں کوںچاتے، آزاد جموں کشمیر اچ ہر کہیں کوںا ٓزادی اے جیندی مرضی ہووے او آوے اتے آزاد کشمیر دی صورتحال کوں ڈیکھے بھل بھارت جیہڑاظلم مقبوضہ کشمیر اچ کریندا پئے ایکوں لکاونڑ کیتے عالمی اداریاں کوں اتھاں رسائی نئیں ڈیندا۔ انہاںا ٓکھیا جو پاکستان امریکا دی دلچسپی توں بعد اف??انستان اچ امن اتے مفاہمت کیتے امریکا، طالبان اتے اف??ان حکومت وچال گالھ مہار سانگے سہولت کاری کریندا پئے ۔امید اے ایندے اچ چنگی پیش رفت تھیسی کیوں جو فوجی طاقت اتے جنگ نال کڈاھیں وی اف??انستان اچ امن نئیں تھی سگدا۔وزیر خارجہ آکھیے جو امریکا پاکستانی قیادت تے اعتماد دا اظہار کیتے اتے ساڈے تعلقات چنگے تھیندے پ??ن،ایں سانگے دہشتگردی دیاں پاڑاں پٹنڑ اچ وی مدد ملی اے بھل اف??انستان کوں وی اپنڑے پاسو بہون اقدامات کرنڑے ہوسن۔انہاںا ٓکھیا جو وزیراعظم عمران خان پاکستان دے مفاد اچ امریکی صدر ٹرمپ سودھے کہیں نال وی ملنڑ کوں تیار ہین۔
پاکستان خطہ اچ امن اتے خوشحالی چاہندے،مسلہ کشمیر اتے افغانستان دا پر امن حل نکلنڑا چاہیدے،وزیر خارجہ شاہ محمود قریشی
مضمون کا ماخذ : لاٹری ٹکٹ جیتنے کے نمبر
متعلقہ مضامین
