اسلام آباد۔8فروری (اے پی پی):وزیراعظم عمران خان وزارت موس??یا??ی تبدیلی دی کارکردگی دی تعریف کریندے ہوئیں ہدایت کیتی اے جو پاکستان اچ ماحول کوں گندہ کرݨ آلے عناصر دے اخراج اچ واضح کمی گھن آوݨ کیتے اقدامات کیتے ونڄن ، 10 بلین ٹری سونامی پروگرام اچ شفافیت کوں یقینی بݨیندے ہوئیں منصوبہ تے عملدرآمد اچ سپارکو توں سیٹلائٹ دے ذریعے وی مدد ڳھدی ونڄے ۔ او سنوار کوں اتھاں وزیراعظم دی کمیٹی موس??یا??ی تبدیلی دے اجلاس دی صدارت کریندے پئے ہن ۔اجلاس اچ وزیر خارجہ شاہ محمود قریشی، وفاقی وزیر منصوبہ بندی اسد عمر، وفاقی وزیر توانائی عمر ایوب، وفاقی وزیر آبی وسائل فیصل واوڈا، وزیر اعلیٰ پنجاب سردار عثمان بزدار، وزیراعلیٰ خیبرپختونخوا محمود خان، وزیراعلیٰ بلوچستان جام کمال خان، وزیراعظم دے معاو?? خصوصی ملک امین اسلم، وزیر مملکت زرتاج گل، وزیراعظم دے معاو?? خصوصی ڈاکٹر معید یوسف اتے سینئر حکام شرکت کیتی۔ اجلاس اچ گرین ہائوس گیسز دی تازہ ترین صورتحال اتے 10 ارب ٻوٹے لاوݨ دے پروگرام دے پیشرفت دا جائزہ ڳھدا ڳیا ۔اجلاس کوں ݙسایا ڳیا جو پاکستان دی گرین ??اؤ?? گیساں دے اخراج دے ودھارے دی شرح معمول دے طے کیتے ڳئے تلویں سطح توں 9 فیصد گھٹ اے جݙاں جو اے شرح قومی سطح تے متعین اہداف توں وی تلے ھے ۔اے ماحول دوست تبدیلی خیبرپختونخوا اچ بلین ٹری سونامی دے کا??یا?? منصوبے اتے پورے ملک اچ 10 ارب درخت لاوݨ دے سونامی پروگرام پاروں ملی اے ۔وزیراعظم دے معاو?? خصوصی موس??یا??ی تبدیلی ملک امین اسلم ݙسایا جو درخت کپݨ دی شرح اچ نمایاں طور تے کمی آئی اے، 2012 توں2016 دے دوران اے کمی سالانہ 12 ہزار ہیکٹرز توں گھٹ تھی کراہیں 8 ہزار ہیکٹرز تے آ ڳئی اے اتے 10 ارب ٻوٹے لاوݨ دے منصوبے دے کا??یا??ی نال ایندے اچ مزید کمی آسی ۔ اجلاس کوں ݙسایا ڳے جو عالمی سطح تے گرین ??اؤ?? گیساں دے اخراج اچ پاکستان دا حصہ ھک فیصد توں وی گھٹ اے ۔وزیراعظم 10 ارب درخت دے سونامی پروگرام تے پیشرفت تے اطمینان دا اظہار کریندے ہوئیں ہدایت کیتی اے جو ایں پروگرام اچ شفافیت کوں یقینی بݨایا ونڄے اتے پورے ملک اچ ایں پروگرام تے عملدرآمد کریندے ہوئیں سپارکو توں سیٹلائٹ تصاویر دے حصول دے ذریعے وی مدد حاصل کیتی ونڄے ۔
