اسلام آباد۔7ستمبر(اے پی پی) وفاقی وزیر داخلہ محسن نقوی آکھیے پاک فضائیہ گھٹ وسائل دے باوجود جنگ ستمبر اچ دشمن دے ناپاک عزائم مٹی اچ رلائے، ساݙے شاہیناں 1965 دی جنگ اچ فضاواں ??چ مکمل حکمرانی بݨائی، ایم ایم عالم ھک منٹ اچ دشمن دے 5 طیارے تباہ کرتے تاریخ رقم کیتی۔ وز??رت داخلہ توں جاری بیان اچ یوم فضائیہ تے وفاقی وزیر داخلہ محسن نقوی آپݨے سنھیے اچ آکھیے وطن عزیز دی فضائی حدود دی حفاظت سانڳے ہر ویلھے تیار پاک فضائیہ دے شاہیناں کوں خراج تحسین پیش کریندوں۔ محسن نقوی آکھیے ساݙے شاہیناں 1965 دی جنگ اچ فضاواں ??چ مکمل حکمرانی بݨائی ، انھاں آکھیے7ستمبر کوں پا ک فضائیہ دے شاہیناں مکار دشمن دی فضائی طاقت دا غرور بھن ونڄا ݙتا ،پاکستان دے شاہیناں جرأت، شجاعت اتے بہادری دیاں نہ وسمݨ آلیاں داستاناں رقم کیتیاں ،7ستمبر 1965ء دا ݙینھ پاک فضائیہ دی تاریخ دا سنہری باب اے۔ محسن نقوی آکھیے پاک فضائیہ دے شاہیناں دی بے مثال خدمات تے لازوال قربانیاں کوں قوم ہمیشہ یاد رکھیسی ، پاک فضائیہ دے شہداء دی بہادری تے جذبے کوں سلام پیش کریندوں ، دشمن دے ح??لے ناکام بݨاوݨ اچ پاک فضائیہ دا کردار تاریخ اچ ہمیشہ یاد رکھیا ویسی۔
