اسلام آباد ۔ 17 جولائی (اے پی پی) صدر مملکت ڈاکٹر عارف علوی دی زیر صدارت کورونا وبادے پیش نظر محرم الحرام دے جلوساں اتے مجالس دے معیاری آپریٹنگ طریقہ کار (ایس او پیز) دی تیاری اتے کووڈ-19 دے تدارک کیتے رہنما اصولاں تے عمل درآمد اچ تعاون کرنڑ کیتے پورے ملک دے ممتاز شیعہ علماءدی فکری نشست ایوان صدر اسلام آباد اچ تھئی جیں اچ محرم الحرام دے دوران جلوساں اتے عزاداری کیتے ایس اوپیز تے اتفاق کیتا گیا ،علماءکرام قومی یکجہتی اتے مختلف مکاتب فکر وچال ہم آہنگی برقرار رکھنڑ تے صدر مملکت دے کردار دی تعریف کیتی ۔اجلاس اچ وفاقی وزیر داخلہ بریگیڈئر ریٹائرڈ اعجاز احمد شاہ ، وفاقی وزیر مذہبی امور پیر نور الحق قادری ، گورنر پنجاب چودھری محمد سرور ، علامہ عارف واحدی ، راجہ ناصر عباس ، ڈاکٹر غضنفر مہدی ، علامہ قمر حیدر زیدی ، راجہ بشارت امامی ، اتے علامہ سجاد حسین نقوی شرکت کیتی۔ صوبائی گورنرز، صدر آزاد جموں و کشمیر سردار مسعود خان، پنجاب توں علامہ افضل حسین حیدری اتے علامہ حسین اکبر ، سندھ توںعلامہ شہنشاہ نقوی ، علامہ سید علی قرار نقوی اتے علامہ فرقان حیدر عابدی ، خیبر پختونخواہ توں علامہ عابد حسین شاکری اتے علامہ ارشاد حسین خلیلی ، بلوچستان توں علامہ سید ہاشم موسوی اتے علامہ شیخ جمہ اسدی ، جڈاں جو آزاد جموں کشمیر توں تعلق رکھنڑ آلے مفتی کفایت حسین نقوی ویڈیو لنک دے ذریعے ایںنشت اچ شرکت کیتی ۔اجلاس توں خطاب کریندے ہوئیں صدر مملکت آکھیے جو رمضان دے مہینے تے عید دے موقع تے سارے مکاتب فکر توں تعلق رکھنڑ آلے علمائے کرام کورونا وبا روکنڑ کیتے تعاون کیتا انہاں کوں امید اے جو ایں واری وی علماءکرام مثالی تعاون دا مظاہرہ کریسن ۔
صدر مملکت دی زیر صدارت کورونا وبا دے پیش نظر پورے ملک دے ممتاز شیعہ علماءدی فکری نشست
مضمون کا ماخذ : لاٹری جیتنے کے طریقے
متعلقہ مضامین
