اسلام آباد۔19 دسمبر(اے پی پی) اقوام متحدہ دے فوجی مبصرین دی گاݙی کوں ڄاݨ بڄھ تے نشانہ بݨاوݨ تے بھارتی ناظم الامور کوں دفتر خارجہ سݙ تے شدید احتجاج کیتا ڳئے۔ ترجمان دفتر خارجہ موجب بھارتی فوج کل پاکستان اتے بھارت کیتے اقوام متحدہ دے ملٹری مبصر گروپ دی گاڑی کوں چٹیا ہا۔ اے مبصرین لائن آف کنٹرول (ایل او سی) دے چری کوٹ سیکٹر اچ بھارتی سیز فائر دی خلاف ورزی نال متاثرہ علاقیاں دے لوکاں نال ملݨ کیتے آزاد جموں و کشمیر دی وستی پولاس ویندے پئے ہن۔ ایں واقعے اچ گاڈی اچ ٻیٹھے ݙوہیں مبصرن محفوظ رہین جنہاں کوں پاک فوج بحفاظت راولاکوٹ پچائے۔ بھل گاڈی کوں نقصان پڄیے۔ دفتر خارجہ آکھیے جو اے واقعہ ڄاݨ بڄھ تے کیتا ڳئے کیوں جو اقوام متحدہ دیاں ڳاڈیاں تے مخصوص نشان اپݨی سنڄاݨ ڈیندن اتے نیلا جھنڈا وی پرو کولو ݙسدے۔
مضمون کا ماخذ : لاٹوفاسیل
