اسلام آباد ۔ 5 مئی (اے پی پی) وزیر خارجہ مخدوم شاہ محمود قریشی اومان دے وزیر خارجہ یوسف بن علوی نال ٹیلیفونک رابطہ کیتے۔ منگل کوں ترجمان دفتر خارجہ دے مطابق ڈوہیں وزراءخارجہ ٹیلی فون تے گال مہاڑ دے دوران کورونا عالمی وبائی صورت حال نال نبڑنڑ کیتے سانجھی کوششاں بروئے کار گھن آونڑ دے حوالے نال گال کیتی اے تے کورونا وبا نال اہم علاقائی امور تے مشترکہ حکمت عملی اپناونڑ دے حوالے نال مشاورتی سلسلہ جاری رکھنڑ دا فیصلہ کیتے ۔ وزیر خارجہ اومان حکومت ولوں کورونا وائرس دے کھنڈنڑ کوں روکنڑ کیتے کیتے گئے وختی اقدامات دی تعریف کیتی تے اپنڑے اومانی ہم منصب کوں کورونا عالمی چیلنج نال نبڑنڑ کیتے حکومت پاکستان ولوں کیتیاں ونجنڑ آلیاں کوششاں بارے ڈسائے ۔ وزیر خارجہ اومان اچ رہنڑ آلے وطن واپسی دے منتظر پاکستانیاں دی وختی وطن واپسی اچ معاونت کرنڑ تے اومانی وزیر خارجہ دا شکریہ ادا کیتے ۔
وزیر خارجہ مخدوم شاہ محمود قریشی دا اومان دے وزیر خارجہ یوسف بن علوی نال ٹیلیفونک رابطہ
مضمون کا ماخذ : میگا فارچیون
متعلقہ مضامین
