اسلام آباد۔1ستمبر(اے پی پی)وزیراعظم دے مشیر برائے پارلیمانی امور بابر اعوان آکھیے جو 2023ء دے عام انتخابات الیکٹرانک ووٹنگ مشین تے تھیسن، قانون سازی وی ایں سال مکمل تھی ویسی، ایندے کیتے سینیٹ یا مشترکہ اجلاس وی کراوݨا پیا تا?? کرویسوں، حکومت ہر ڄاہ تے ای وی ایم ݙکھاوݨ کوں تیار اے۔ اسلام آباد اچ وزیراعظم دے معاون خصوصی سیاسی امور ڈاکٹر شہباز گل نال نیوز کانفرنس کریندے انہاں آکھیا جو آندے انتخابات اچ ای وی ایم استعمال تھیسن، اساں ایندے تے الیکشن کمیشن نال تعاون کریسوں، اپوزیشن کوں وی سمجھداری ݙکھاوݨی چاہیدی اے ات?? او ہر ہار تے دھاندلی رووݨ دی بجائے الیکشن دا نیتجہ منݨ دا ݙا سکھے، دھاندلی دا شور مکاوݨ کیتے شفاف انتخابات کرویسوں۔ انہاں آکھیا جو 2013 دے انتخابات اچ 92 ہزار ووٹرز دے انگوٹھیاں دی تصدیق نہ تھی سڳی ہئی ات?? دھاندلی کیتے ہک پورا نظام ٻݨایا ڳیا ہا جیندی رپورٹ موجود اے، نوازشریف آکھیا ہا جو پنجاب اچ میکوں ݙو تریہائی اکثریت ݙیوائے، ڄݙاں سارے ووٹر ڳھر لڳے ڳئے ہن تاں ول نوازشریف اے کیکوں آہدے کھڑے ہن؟ بابر اعوان آکھیا جو اوورسیزپاکستانیاں کوں ووٹ دا حق ملݨا چاہیدے بھل اپوزیشن اے نئین چاہندی، اپوزیشن ایں ملک تے رحم کرے ات?? ووٹ نال مقابلہ کرے، قوم کوں خوشخبری اے جو اساں ای وی ایم ات?? اوورسیز پاکستانیاں کوں ووٹ دے حق کیتے قانون سازی ایں سال ہی مکمل کریسوں۔ بابر اعوان آکھیا ڄݙاں وی اساں کہیں شئے کوں درست کرݨ لڳدے ہیں تاں اپوزیشن آہدی اے جو “جمہوریت کوں خطرہ اے” صرف ݙو کم ہین جیندے نال جمہوریت کوں کوئی خطرہ نئیں، ہک این آر او ات?? ٻیا نیب دفتر کوں تالا۔۔ ایں موقع تے معاون خصوصی ڈاکٹر شہباز گل آکھیا جو بھاویں اپوزیشن احتجاج کرے یا پریشر پاوے آندا الیکشن فری اینڈ فیئر تھیوݨے، اے ہݨ ??ہاݙی مرضی نال نہ تھیسی، اپوزیشن آپݨا چنتا ݙساوے جیکوں ضرور مکیسوں، بعد اچ نہ آکھیے جو ساݙی سݨی نئیں ڳئی۔
آندے عام انتخابات الیکٹرانک ووٹنگ مشین تے تھیسن، قانون سازی وی ایں سال مکمل تھی ویسی، مشیر پارلیمانی امور بابر اعوان دی پریس کانفرنس
مضمون کا ماخذ : لوٹومینیا اکومولڈا
متعلقہ مضامین
