چنېوټ 17 نومبر (اے پي پي) صدر ډاکټر عارف علوي وئيلي دي په اسلام كښې د الله پاك په لاره كښې د خرڅ كولو درس وركړے شوے٬ پاكستان كښې نه يوازې د خېرښګړې په كارونو زياتې روپۍ مصرف كېږي بلكې د مدينې رياست د حقيقي تصور تر مخه شته مند خلق د زړه د اخلاصه د الله په لار كښې د خرڅ پشمول د صحت ٬ تعليم او په نورو فلاحي كارونو د انسانيت خېرښګړې او د غمژنو خدمت لپاره پېسه لګوي د كوم اجر چې ورله الله پاك نه يوازې په دنيا كښې د رزق پراختيا په صورت وركوي بلكې په آخرت كښې ئې هم ډير ثواب دے۔ د دې خيالاتو څرګندونه صدر د نهې په ورځ د انجمن اسلاميه پاکستان تر سېوري لاندې په چېنوټ كښې د وېلفيئر کمپلېکس،سټېټ آف دي آرټ اسانۍ لرونكې د سترګو روغتون اېل آر بي ټي پرانستې او صداقت ماډل سکول كښې د انعاماتو وېشلو دستورې ته خپله وېنا كښې وكړه ۔ ده ووئيل پاكستانيان ډېر پراخه زړونه لري او د ظرف لرلو سره يو مېلمه دوسته قام دے چا چې د 35 لكه نه زياتو افغان كډوالو له پخپل هېواد كښې ځاے وركړے او د نړۍ پرمختګ كړي هېوادونه كوم چې هر وخت مونږ له د انسانيت او اخلاقيات پشمول د بشري حقونو درس راكوي په ماضي قريب كښې كډوالو ته د پناه وركولو نه هم سرغړونه كړې وه بلكې داسې قوانين ئې جوړ كړي چې يو افغان كډوال به هم د دوي هېواد ته داخل نه شي۔ صدر ووئيل د چنېوټ شېخ برادرۍ روغتون، سکولز، کالجز او نورې فلاحي ادارې جوړ كړي چې د كار انداز ئې هم مثالي دے۔ ده ووئيل دا خو پاكستانے قام دے چا چې د كال 2005 زلزلې نه د كورونا د اوسنۍ نړيوالې وباء په مهال د ايثار جذبې له مخې د ځپلو كسانو مثالي مرسته كړې او د دوي د بحالۍ پیټے ئې هم پورته كړے چې د نړۍ په تاريخ كښې ئې مثال نه موندلے كېږي۔ده ووئېل يوازې دا نه كه سېلاب وي يا بل داسې قدرتي آفت پاكستانيانو عمرله خپل ټول وسائل د قامي خدمت تر مخه او د الله د رضا لپاره وړاندې كړي۔ ده ووئيل د مسلمان په حېث زمونږ عقيده هم دا ده چې قرآن پاك ، اسلامي تعليمات او پخپله د خاتم النبېين ۖ اسوه حسنه او د ژوند طرز مونږ له د الله په لار كښې د خرڅ كولو او دړدمند انسانست د خدمت درس راكوي۔ ده ووئيل پاكستان د نړۍ يوازنې رياست دے چرته چې په كلنه توګه د اربونو روپۍ د چيريټي په مد كښې خرڅ كېږي۔ ده ووئيل مونږ چې كله د مدينې د رياست خبره كوٶ نو د دې مقصد هم د اولس خدمت كول وي۔ ده ووئيل د خېر په كار كښې برخه اغستو سره د الله نه د اجر اميد لرونكې هېڅكله ناكام او نامراد نه نشي پاتې كېدے۔ ده ووئيل پاكستان كښې دا يوه ځانګرې جذبه ده چې خلق د اېل آر بي ټي غوندې روغتون، سکولز، کالجز او نورې فلاحي ادارې چلوي اود الله پاك رضا تر لاسه كوي۔ ده ووئيل په كال 1890 كښې د جوړېدو نه پس او په 1902 كښې د رجسټرېشن نه تر اوسه انحمن اسلاميه د خپلو چارو په سوب ګرده نړۍ كښې چې كوم عزت تر لاسه كړے د دې اجر به ورته د دنيا سره سره په اخرت كښې هم ترلاسه كېږي ځكه چې په قرآن كښې ذكر دے چې څوك الله پاك له قرض وركوي الله پاك به څو چنده زيات اجر ورله وركوي۔ ده ووئيل زه په نړۍ كښې هر ځائ ګرځېدلې يم خو چې كومه جذبه او خلوص په پاكستاني قام كښې دے ھغه په بل قام يا هېواد كښې نشته۔ ډاکټر عارف علوي ووئيل د نبيۖ فرمان دے كوم كس چې د زمكې په خلقو مهرباني كوي الله پاك به په عرش كښې په ھغه مهرباني كوي۔ ده ووئيل پسمانده او بې وسائله خلقو له لاس وركول هم د مدينې د رياست په تصوراتو كښې يو فعل دے ۔ ده ووئيل حكومت يوازې حكمرانۍ لپاره نه وي بلكې اصل حكومت په مخلصانه خدمت كښې وي۔ ده ووئيل حكومت چې په هېواد كښې د كوم بدلون په چغه راغلے ٶ د الله پاك په فضل سره به ھغه بدلون باوري كوو ځكه چې چرته دومره ښه قام وي هلته الله پاك د خپل رحم دروازې بېرته كوي۔(GUL/ZIA/1902)
د مدينې د رياست تصور د انسانيت احترام٬ د خېر ښېګرې د كارونو او د حقوق العباد درست وركوي۔ مملکت ډاکټر عارف علوي
مضمون کا ماخذ : bolão dupla sena
متعلقہ مضامین
