اسلام آباد ۔ 03 اکتوبر (اے پی پی) وزیرا عظم شاہد خاقان عباسی محمد نواز شریف دے مسلم لیگ (ن) دے صدر دی حیثیت نال ولا انتخاب کوں تاریخ ساز قرار ڈیندے ہوئیں ایں یقین دا اظہارہے جو آن??ے سال جون دے بعد تھیونڑ آلے عام انتخابات اچ پاکستان دے عوام مسلم لیگ ن تے نواز شریف دے حق اچ اپنڑے رائے دا اظہار کریسن ،نواز شریف دی قیادت اچ عوام دی فلاح بہبود سانگے شروع کیتے گے منصوبیں دی تکمیل مسلم لیگ ن دا منشور تے مینڈیٹ ہے ،لیڈر عوام دے دل اچ رہندا ہے او قانون توں نی بنڑدا تے عدالتاں دے ف??صل?? نال مک نی ویندا عوام د?? حمایت نال اساں ہمیشہ سرخرور ہ ویسوں ۔انہاں اے گالھ منگل کوں اتھاں کنونشن سنٹر اچ مسلم لیگ ن دی مرکزی جنرل کونسل دے اجلاس توں خطاب کریندے ہوئیں آکھی جتھاں سابق وزیراعظم محمد نواز شریف چار سالہ مدت سانگے مسلم لیگ (ن) دے بلامقابلہ صدر منتخب تھے ۔ تقریب اچ سابق وزیر اعظم محمد نواز شریف ، وزیرا علیٰ پنجاب شہباز شریف، مسلم لیگ (ن) دے چیئرمین راجہ ظفر الحق، کابینہ دے ارکان ، ارکارن پارلیمنٹ ،مسلم لیگ ن دی جنرل کونسل دے ارکان تے مسلم لیگ ن دے رہنماواں تے کارکناں دی بہوں وڈی تعداد موجود ہئی ۔وزیراعظم شاہد خاقان عباسی اپنڑے خطاب دے شروع اچ سابق وزیراعظم نواز شریف کوں پارٹی دا صدر منتخب تھیونڑ تے مبارخ ڈیندے ہوئیں آکھیا جو اج دا ڈینھ تاریخ ساز ڈینھ ہے ۔ پاکستان مسلم لیگ (ن) محمد نواز شریف تے اپنڑے اعتماد اتے یقین دااظہار کیتا ہے۔ وزیر اعظم اجلاس دے شرکاں کوںمخاطب کریندے ہوئیں آکھیا جو اج ایجھے چہریں دی تعداد بہوں گھٹ ڈکھائی ڈیندی ہے جیرھے جو نوا زشریف کوں پہلی وری پارٹی صدر منتخب کرنڑ دے موقع تے موجود ہن لیکن میں سانگے اے بہوں خوشی دا مقام ہے جو ایں ویلھے وی 28سال دی عمر اچ اتھاں موجود ہن تے اج وی پارٹی دے نال کھڑاں ۔وزیراعظم آکھیا جو سیاسی جماعتاں اچ اصل جماعت دی طاقت ہوندی ہے ۔میں پچھوں بہنڑ آلا بندہ ہم ،گزریل جنرل کونسل دے اجلاس اچ چھیویں قطا ر اچ ہم ،اے جماعت دی طاقت ہے جیں میکوں وزیراعظم بنڑایا ہے ۔وزیراعظم شاہد خاقان عباسی آکھیا جو سابق وزیر اعظم ذوالفقار علی بھٹو کوں عدالت پھاسی سی سزا ڈتی تے انہاں کوں پھاسی لگی لیکن تاریخ تے پاکستان دی عوام ایں ف??صل?? کوں قبول کائنی کیتا ۔ایں سال 28جولائی کوں وی عدالت دا ہک ف??صل?? آیا ہئی اساں ایں ف??صل?? کوں قبول کیتا لیکن نہ تاں تاریخ تے نہ پاکستان دے عوام اے ف??صل?? قبول کریسن ۔انہاں جنرل کونسل دے ارکاناں کوں مخاطب کریندے ہوئیں آکھیا جو اج تساں نواز شریف کوں پارٹی دا قائد منتخب کر گھدا ہے تے میکوں پورا یقین ہے جو آن??ے سال جون دے بعد تھیونڑ آلے انتخابات اچ پاکستان دے عوام پاکستان مسلم لیگ ن تے محمد نواز شریف دے حق اچ اپنڑی رائے دا اظہار کریسن ۔انہاں آکھیا جو اساں پوری توقع رکھیندوں جو نواز شری?? ،پاکستان مسلم لیگ ن تے اساں سارے رل تے ایں ملک دی خدمت کریسوں اساڈی کوشش ہوسی جو اللہ سئیں دے فضل نال اساں ہمیشہ سرخروہوں ۔
وزیراعظم شاہد خاقان عباسی دا مسلم لیگ (ن) دی مرکزی جنرل کونسل دے اجلاس توںخطاب
مضمون کا ماخذ : اٹلانٹس کا بادشاہ
متعلقہ مضامین
