اسلام آباد ۔ 20 دسمبر (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو حکومت آئین و قانون دے مطابق خصوصی عدالت دے جج دے خلاف ریفرنس دائر کریسی،پاکستان دی سرحدی صورتحال اتے اندرونی بحران ہکے ڈیزائن دیاں ڈو شکلاں ہین۔اے گالھ معاون خصوصی برائے اطلاعات و نشریات ڈاکٹر فردوس عاشق اعوان اے پی پی ہیڈکوارٹرزاسلام آباد اچ کرسمس کیک کٹنڑ دی تقریب نال خطاب اتے صحافیاں نال گالھ مہاڑاچ آکھی۔انہاںا ٓکھیا جو قانون اتے آئین دی حد پار کرنڑ تے قانون حرکت اچ آندے،حکومت اداریاں کوں اپنڑے آئینی اتے قانونی دائرے اچ رہندے ہوئے کم کرنڑ کیتے سہولت کاری ڈیندی رہسی،پاکستان کہیں قسم دے فساد،قیاس آرائی ،مبالغہ آرائی یا عالمی سطح تے کہیں منفی تاثر دا بیا بھار نئیں چاءسگدا،پاکستان اندرونی وبیرونی ہر محاذ تے کامیاب راہسی،ملکی سیاسی اتے عسکری قیادت رل تے دشمن دی ہر سازش ناکام بنڑیسن،معاشی، علاقائی اتے عالمی چیلنجز کوں توڑ پچایا ویسی۔تقریب اچ وزیراعظم دے معاون خصوصی برائے سی ڈی اے امور علی نواز اعوان ، منیجنگ ڈائریکٹر اے پی پی طارق محمود خان ،ایگزیکٹو ڈائریکٹر غواص خان ، اے پی پی دی انتظامیہ ،یونین دے عہدیداران اتے مسیحی ملازمین وڈی تعداد اچ موجود ہن۔ایں توں پہلے تقریب نال خطاب اچ انہاں مسیحی برادری کوں کرسمس دی مبارک ڈتی اتے کیک کٹیا۔انہاں اطمینان کیتا جو وزیراعظم دے ویژن دے مطابق پاکستان اچ اقلیتاں ہر آزادی نال راہندیاں پین،پاکستان اائین و قانون دی بالا دستی اتے اقلیتاں دے حقوق تے یقین رکھدے جیہڑا ساڈے مذہب دا درس وی اے تے حکم اللہ وی،قائد اعظم محمد علی جناح وی این سوچ نال ساکوں پاکستان ڈتا ہئی جو اساں این دھرتی تے امن اتے بھرا بھرپی نال رل تے جیووں۔انہاں کرسمس تے اے پی پی دے مسیحی ملازمین کوں بونس ڈیونڑد ا وی اعلان کیتے۔
پاکستان دی سرحدی صورتحال اتے اندرونی بحران ہکے ڈیزائن دیاں ڈو شکلاں ہین،معاون خصوصی برائے اطلاعات و نشریات ڈاکٹر فردوس عاشق اعوان دا اے پی پی ہیڈکوارٹرز اچ کرسمس کیک کٹنڑ دی تقریب نال خطاب، صحافیاں نال گالھ مہاڑ
مضمون کا ماخذ : لاٹری ٹکٹ آن لائن دستیاب
متعلقہ مضامین
