اسلام آباد ۔ 20 جنوری (اے پی پی)وزیر اعظم عمران خان دی ہدایت تے اقتصادی رابطہ کمیٹی یوریا دی بوری تے جی آئی ڈی سی ختم کرنڑ دا فیصلہ کیتے جیں نال یوریا دی قیمت اچ 20 فیصد تئیں کمی آگی ۔ وزیر اعظم میڈیا آفس توں جاری بیان دے مطابق سنوار کوں وزیر اعظم عمران خان نال وفاقی وزیر نیشنل فوڈ سکیورٹی مخدوم خسرو بختیار اتے مشیر تجارت عبدالرزاق داود ملاقات کیتی۔ وزیرِ اعظم عمران خان کوں ڈسایا گیا جو انہاں دی ہدایت تے اقتصادی رابطہ کمیٹی کساناں دے مفاد کوں سامنڑے رکھیندے ہوئیں یوریا دی بوری تے جی آئی ڈی سی ختم کرنڑ دا وڈا فیصلہ کیتے۔ ایں فیصلے نال یوریا دی قیمت اچ 20 فیصد گھٹ تھی ویسی ۔ایندے توں پہلے اے ودھیک رقم جی آئی ڈی سی دی مد اچ کساناں توں وصول کیتی ویندی ہئی۔ واضح رہے جو وزیرِ اعظم عمران خان کساناں کوں ریلیف ڈیونڑ کیتے ای سی سی کوں ہدایت کیتی ہئی جو یوریا دیاں قیمتان اچ کمی کیتے وختی اقدامات کیتے ونجن ۔
وزیر اعظم عمران خان نال وفاقی وزیر مخدوم خسرو بختیار اتے مشیر تجارت عبدالرزاق داود دی ملاقات، ای سی سی دے فیصلے بارے ڈسایا
مضمون کا ماخذ : سامراا سپلٹ
متعلقہ مضامین
