اسلام آباد ۔ 10 مئی (اے پی پی) سینٹ دی قائمہ کمیٹی اطلاعات و نشریات دے چیئر مین سینیٹر فیصل جاوید آکھیے جو والدہ محترمہ دی رحلت دے صدمے دے دوران اظہار یکجہتی و تعزیت تے میں تے میڈے اہل خانہ ساریں دے شکر گزار ہوں ۔اتوار کوں اپنڑے ہک بیان اچ انہاں آکھیے جو کورونا وائرس دے حوالے نال احتیاطی تدابیر دے پیش نظر تعزیتی ملاقاتاں وغیرہ کوں حالات دی بہتری تئیں موقوف رکھنڑ دا فیصلہ کیتا گئے ۔سینیٹر فیصل جاوید آکھیے جو التماس اے جو نیک مہینے دیاں مقدس گھڑیاں اچ میڈی والدہ مرحومہ دے اچے درجے کیتے دعا ضرور کریجو ۔ اللہ سئیں تساکوں اجر تے ثواب ڈیوے تے تساڈی عبادات کوں قبول فرماوے ۔
مضمون کا ماخذ : کینڈی کیش
