اسلام آباد۔4فروری (اے پی پی):الیکشن ک??یشن آف پاکستان بلدیاتی انتخابات کراوݨ دے معاملے تے آپݨا جواب سپریم کورٹ اچ جمع کروا ݙتے۔ خمیس کوں عدالت عظمی اچ الیکشن ک??یشن ولوں جمع کروائے ڳے جواب اچ پنجاب، خیبرپختونخوا اتے کنٹونمنٹ بورڈز اچ بلدیاتی انتخابات کراوݨ متعلق تاریخاں دا ذکر کیتا ڳئے ۔ الیکشن ک??یشن ݙسائے جو صوبہ خیبر پختونخوااچ بلدیاتی انتخابات مرحلہ وار تھیسن ، خیبر پختونخوا اچ پہلے مرحلے اچ 8 اپریل 2021 ء کوں بلدیاتی انتخابات تھیسن، کے پی کے اچ ݙوجھے مرحلے اچ بلدیاتی انتخابات اڄوکے سال 29 مئی کوں تھیسن ، کے پی کے اچ بلدیاتی انتخابات دے پہلے مرحلے دا اعلان 12 فروری اتے ݙوجھے مرحلے دا اعلان 25 مارچ کوں کیتا ویسی ۔ الیکشن ک??یشن ولوں ݙسایا ڳے جو پنجاب اچ بلدیاتی انتخابات ترائے مرحلے اچ تھیسن ،پنجاب اچ پہلے مرحلےاچ 20 جون، ݙوجھے مرحلے اچ 16 جولائی اتے تریجھے مرحلے اچ 8 اگست کوں بلدیاتی انتخابات تھیسن ۔
.jpg)
