اسلام آباد۔9مئی (اے پی پی):وزیراعظم شہباز شریف ??کھیے ملک دے اہم ادارے دے خلاف جیڑھا زہر اڳلیا ڳئے حقیقت اچ اے پاکستان دے خلاف سازش اے، جے ایندا رستہ نہ روکیا ڳیا تاں شام تے لیبیا دی صورتحال پیدا تھی سڳدی اے ، گزریل حکومت اچ ملک دے مجموعی قرضیں دی شرح اچ 80 ودھارا کرتے آندیاں نسلاں کوں وی گروی رکھ ݙتا ڳئے ۔ قومی اسمبلی دے اجلاس اچ ڳالھ کریندے ہوئیں وزیراعظم آکھیے جو مئی دے بعد لوڈشیڈنگ گھٹ ضرورتھئی اے ، ماضی دی حکومت تیل، گیس ویلھے تے نی منگوایا، جݙاں تئیں دنیا دی منڈی اچ گیس 3 ڈالرفی یونٹ اوں ویلھے گیس نی منڳوائی ڳئی، تیل مافیا حکومت دی نبض تے چھایا رہیا، سستی گیس نہ گھن تے ارباں روپے دا ضیان ملک کوں پڄایا ڳیا ، ہر سال پلانٹس دی مرمت تھیندی اے ۔انہاں آکھیے جو نالائق، کرپٹ حکومت پلانٹس دی مرمت دی پرواہ نہ کیتی، اساں گیس دے جہاز مل ڳھدن ، ساڈھے 5 ہزار ارب دا فیسکل ڈیفیسٹ تاریخ دا ساریں توں ودھ اے ، پوݨے چارسالاں اچ مجموعی قرضیں وچ 85 فیصد ودھارا کرݙتا ڳئے ، پی ٹی آئی دی سابق حکومت قرضے ڳھدے ، اھک نویں سلھ نورعالم خان دے حلقے سودھے کہیں جاہ نی لڳی ۔وزیراعظم آکھیے جو قرضےگھن تے آوݨ آلی نسل کوں گروی رکھ ݙتا ڳئے ، ݙینھ رات چور،ڈاکو دا راڳ الاپ تے قوم دا ویلھا ونڄایا ڳئے ، کل عم??ان خان ٻہوں خطرناک ڳالھ کیتی، عم??ان خان آکھیے جو سراج الدولہ دے سپہ سالار میر جعفر، میرصادق نکلیے، غداری، وفاداری دے سرٹیفکی?? ونڈیے ویندے پئن ۔ امریکا اچ پاکستانی سفیرآکھیے جو خط اچ لکھی تڑی آلی ڳالھ ہئی لیکن سازش یا غداری دا عنصر کتھوں نکل آیا، خط قومی سلامتی کمیٹی اچ پڑھیا وی ڳیا، خط اچ سازش دا پرے پرے تئیں کوئی ثبوت کائنی ،شہباز شریف ??کھیے جو روزانہ دی بنیاد تے بھارت اتے او اساکو تڑیاں ݙیندے تاں کیا اے سازش اے؟ تڑی دی تاریخ تاں ٻہوں لمبی اے ، سازش دا لفظ کتھوں نکلیے؟ عم??ان نیازی کل پاکستان دے ادارے بارے ٻہوں گندی ڳالھ کیتی اے۔ اے چاہندن جو جمہوریت ختم اتےایجھا نظام آونڄے جو ہر پاسے شورش ہی شورش ہووے، عم??ان خان دی تقریردا نوٹس ڳھدا ونڄے۔
ملک دے اہم ادارے دے خلاف جیڑھا زہر اڳلیا ڳئے حقیقت اچ اے پاکستان دے خلاف سازش اے، گزریل حکومت ملک دے مجموعی قرضیں دی شرح اچ 80 فیصد ودھارا کرتے آندیاں نسلاں کوں گروی رکھ ݙتے، وزیراعظم شہباز شریف
مضمون کا ماخذ : گولڈ رش
متعلقہ مضامین
