کوئٹہ۔23جنوری (اے پی پی )وزیر اعظم دی معاون خصوصی برائے اطلاعات ونشریات ڈاکٹر فردوس عاشق اعوان آکھیا جو بلوچستان دی عوام حکومت اتے سکیورٹی فورسز نال رل تے پاکستان کوں غیر مستحکم کرنڑ دی سازش کوں ملیا میٹ کر ڈتے،وزیراعظم عمران خان دا ڈو ٹوک موقف اے جو پاکستان خطے اچ کہیں جنگ دا حصہ کائنا بنڑسی،برفباری اتے بارشاں توں متاثر بندیاں دی امداد کیتی ویسی۔اپنڑی خودمختاری تے قومی فائدے کوں ڈوجھے دے فائدے سانگے ہرگز قربان کائنا کریسوں۔وزیراعظم عمران خان دی قیادت اچ بلوچستان دے نال ماضی اچ تھیونڑ آلی ناانصافیاں کوں ختم کر تے ہر مرحلے تے انصاف کوں یقینی بنڑیسوں۔وفاقی حکومت پوری قوت نال اپنڑی اتحادی جماعتاں اتے وزیراعلیٰ بلوچستان جام کمال نال کھڑی اے۔اے گالھ انہاں خمیس کوں کوئٹہ پریس کلب دے دورے دے موقع تے پریس کانفرنس نال خطاب کریندیں ہوئیں آکھی۔ایں موقع تے پاکستان فیڈرل یونین آف جرنلسٹس دے صدر شہزادہ ذوالفقار احمد زئی، ڈپٹی سپیکر بلوچستان اسمبلی سردار بابر خان موسی خیل، ترجمان حکومت بلوچستان لیاقت شاہوانی، صدر کوئٹہ پریس کلب رضاءالرحمن، ڈائریکٹر جنرل نظامت تعلقات عامہ شہزادہ فرحت ،ڈائریکٹر پریس انفارمیشن ڈیپارٹمنٹ کوئٹہ عبدالمنان اتے پاکستان تحریک انصاف دے رہنماءآصف خان ترین اتے ادریس بڑیچ وی موجود ہن۔انہاں ایں موقع تے آکھیا جو وزیراعظم دی ہدایت تے صوبے دے برفباری اتے بارش توں متاثرہ علاقیاں دا دورہ کیتے۔، این ڈی ایم اے صوبائی حکومت نال رل تے برفباری اتے بارشاں نال جاں بحق تھیونڑ آلیاں دے ٹبر کوں پنج لکھ اتے زخمی تھیونڑ آلیاں کوں پنجاہ ہزار روپے دا مالی تعاون کریسی۔
بلوچستان دی عوام حکومت اتے سکیورٹی فورسز نال رل تے پاکستان کوں غیر مستحکم کرنڑ دی سازش کوں ملیا میٹ کر ڈتے، وزیر اعظم دی معاون خصوصی برائے اطلاعات تے نشریات ڈاکٹر فردوس عاشق اعوان دی کوئٹہ پریس کلب اچ پریس کانفرنس
مضمون کا ماخذ : میگا سینا پریمیو
متعلقہ مضامین
