اسلام آباد ۔ 11 فروری (اے پی پی) فرانس اتے پاکستان 5لکھ یورو مالیت دے گرانٹ فنانسنگ معاہدے تے دستخط کرڈتن ۔ایں گرانٹ دے تحت پرائیویٹ پاور انفراسٹرکچر بورڈ دے قابل تجدید توانائی دی پیداوار اچ مسابقت پیدا کرنڑ دی استعداد اچ ودھارے کوں ممکن بنڑایا ونج سگسی ۔ معاہدے تے اقتصادی امور ڈویژن دے سیکرٹری ڈاکٹر سید پرویز عباس، پاکستان اچ فرانس دے سفیر مارک مرک بیرٹی تے فرانسیسی ایجنسی بین الاقوامی ترقی فلپ سٹین میٹز دستخط کیتن ۔ اے گرانٹ پرائیویٹ پاور انفراسٹرکچر بورڈ کوں تکنیکی معاونت دے ضمن اچ ڈتی ویسی ۔ گرانٹ دی سہولت کوں پن بجلی منصوبیں دی ٹیرف تے مبنی بولی لاونڑ ، پن بجلی منصوبیں کیتے فزیبلٹی اسٹڈیز دا جائزہ گھننڑ تے بورڈ ملازمین دی استعداد کار اچ بہتری کیتے استعمال اچ گھن آیا ویسی ۔
مضمون کا ماخذ : لوٹیریا علاقائی
