اسلام آباد۔16نومبر(اے پی پی) د اطلاعاتو او خپرونو وفاقي وزير چوهدري فواد حسېن وئيلي دي نون ليګ د عدليه په ضد كمپائن پېل كړې دې ٬ د نواز شريف يا مريم نواز د پېشۍ نه وړاندې تل دا ډول سازشونه كېږي ٬ نون ليګ تېره ورځ هم په عدليه وار وكړو ٬ د يو داسې تن لخوا ئې جعلي بيان راوړلې شو كوم چې نون ليګ پاللې دې ٬ ټاکنیز اصلاحات د پي ټي آئي او عمران خان شخصي نه قومي اېجنډا ده، په هر يو الېكشن كښې مونږ د اصلاحاتو غوښتنه كوؤ٬ كله چې د اصلاحاتو په لوري روان شؤ نو مخالفه ډله شور او غوبل جوړوي٬ د پارليمان شريكه غونډه سبا رابللې شوې ده٬ مخالفه ډله دې په ټاكنيزو اصلاحاتو پراخه زړه سره غور وكړي۔ د دې خيالاتو څرګندونه هغه د نهې په ورځ د الېكشن كمېشن نه بهر ميډيا سره خبرو كښې وكړه۔ چوهدري فواد حسېن ووئيل په تېر وخت كښې چې هم كله نواز شريف سپريم كورټ ته وړاندې كېدو لپاره وغوښتلے شو نو نون ليګ په سپريم كورټ بريد وكړو۔ نون ليګ تېره ورځ هم په عدليه وار كړې ٬ د يو داسې تن لخوا جعلي بيان راوړلې شو كوم چې نون ليګ پاللې دې۔ هغه ووئيل په دې كښې شك نشته چې دا تن په لندن كښې د نواز شريف په خرچه پاتې كېږي٬ د ده د حلفيه بيان فيس هم نواز شريف فېملي ادا كړے دے، حسېن نواز دا معامله ډيل كوي۔ هغه ووئيل كله چې د افرادو د ادارو په ضد كارولو سره د ادارو وقار ته د زيان رسولو هڅه كولې شي نو بحران رامخې ته كېږي۔ وفاقی وزیر ووئيل د اسلام آباد هائي كورټ چيف جستس د دې معاملې نوټس اخستې ده كوم چې يو مناسب ګام دے ، په توهين عدالت كولو نن ذمه وار رابللې شوي دي٬ په دې معامله مخ په وړاندې تللو ته حاجت نشته۔ چوهدری فواد حسېن ووئيل د پارليمان شريكه غونډه سبا رابللې شوې ده۔ هغه ووئيل اي وي اېم او ټاکنیز اصلاحات د پي ټي آئي او عمران خان شخصي نه قومي اېجنډا ده، په هر يو الېكشن كښې مونږ د اصلاحاتو غوښتنه كوؤ٬ كله چې مونږ اصلاحات پلو ځو نو مخالفه ډله شور او غوبل جوړوي۔ هغه ووئيل مخالفه ډله دې سبا په غونډه كښې مونږ سره كښېني٬ په دې اصلاحاتو دې پراخه زړه سره غور وكړي٬ مخالفه ډله چې كوم بدلون كول غواړي هغه دې رامخې ته كړي٬ په دې به بحث وكړؤ۔ هغه ووئيل اصلاحات لازمي دي ٬ سبا مونږ دا بل پاس كوؤ٬ ټولو اتحادي ګوندونو د وزيراعظم په مشرتابه د بشپړه باور څرګندونه كړې ده مونږ پراخه زړه سره مخ په وړاندې تللو له چمتو يؤ۔ وفاقي وزير ووئيل په ټاكنو ٬ جوډيشري ٬ ميډيا او سياسي نظام كښې بايد اصلاحات وكړې شي٬ مونږ په دې لړ كښې په ګډه مخ په وړاندې تللې شؤ۔ چوهدری فواد حسېن ووئيل د اطلاعاتو وزير په حېث چې ما كومه خبره هم كړې هغه مې د حكومت او د كابينې د پالېسۍ لمخې كړې٬ په انفرادي حېثيت سره د الېكشن كمېشن او ادارو احترام كوم او هيله لرم چې الېكشن كمېشن به دا دريځ په مثبت ډول واخلي۔
مسلم لیګ (ن) د عدلیې په ضد کمپاین پیل کړې، د خپل پاللې شوي تن لخوا ئې جعلي بيان راوړې ٬ ټاکنیز اصلاحات د پي ټي آئي او عمران خان شخصي نه ٬ قومي اېجنډا ده، مخالفه ډله دې په اصلاحاتو پراخه زړه سره غور وكړي ٬ چوهدري فواد حسېن
مضمون کا ماخذ : جنگل کی روح: جنگلی کی کال
متعلقہ مضامین
