اسلام آباد 09 مارچ (اے پی پی) وفاقی کابیني د حج پالیسی 2023 او د نېشنل کلین ایئر پالیسي رسمي منظوری وركړې ده، وفاقی کابیني د نیب ترمیمی آرډیننس 2023 هم منظوري وركړې دغسې د وزیراعظم محمد شهباز شریف به سپارښتنه د پاکستان حاجیانو ته د مزل او حج په مهال هر ممکن آسانيو وركولو لپاره اعلیٰ چارواكو د سعودی عرب چارواكو په مرسته كوټلي تګلاره زر تر زره بشپړه كړې۔ د وزیراعظم آفس میډیا ونګ د اړخه جاري شوې بيان له مخې وزیراعظم محمد شهباز شریف په مشرۍ كښې د وفاقی کابیني غونډه د زيارت په ورځ په وزیراعظم هاؤس كښې وشوه۔په دې موقع په خپلو خبرو كښې وزیراعظم محمد شهباز شریف ووئيل نېشنل کلین ایئر پالیسی په جوړولو د ماحولياتي وزارت هڅي د ستائني وړ دي، په کلین ایئر پالیسي كوټلي عملدرآمد لپاره دې ضروری اقدامات وكړے شي۔ دغسې کابیني د ماحولیاتی بدلون وزارتِ په سفارش د نیشنل کلین ایئر پالیسۍ منظوری وركړې ۔ وزیراعظم ووئيل نېشنل کلین ایئر پالیسي په جوړولو د ماحولياتي بدلون وزارت هڅي د ستائني وړ دي، ده ووئېل په کلین ایئر پالیسی كوټلي عملدرآمد لپاره دې ضروری اقدامات وكړے شي۔کابیني ته ووئيل شول پاكستان كښې په تيرو كلونو كښې فضائي آلودګي زياته شوې ۔ ایئر کوالټی انډیکس رپورټ 2022-23 له مخې کراچۍ او لاهور په پاکستان كښې په (سيلۍ) كښې د آلودګۍ په اعتبار سره تر ټولو زيات ځپلے شوي ښارونونه دي۔ رپورټ له مخې په پاکستان كښې فضائی آلودګۍ په وجه د انسان عمر اوسط حد كښې 2.7 كاله كمے راغلے۔ د نړيوال بانك د 2016 رپورټ له مخې د پاکستان معیشت ته د فضائی آلودګۍ په وجه لوئ زيان رسېدلے۔ ښارونو كښې د سموګ له امله پېښو او بيلي ناروغۍ زياتي شوي۔په دې اړه د موسمي بدلون وزارت د ښار وګړو د صحت حفاظت، په كلنه توګه د مرګ شميره كښې كمے، زراعت او ښارونو او كلي والو سيمو كښې د سيلۍ معيار ښه كولو په اړه يوه كوټلي پالیسی مرتب کړې۔ پالیسۍ كښې تجویز کړے شوي چې د ایندھن معیار یورو 5 څخه یورو 6، د صنعتونو اخراج لپاره قوانین، زراعت كښې جدّت او د فصلونو د خزلې سوزولو مخنيوي ، يا د خزلې تلف کولو په نړيواله كچه د رائج تګلارې او خوراك پښولو كښې د كم ګاز اخراج په اړه به د تګلاري ډاډګيرنه كولې شي۔ د پالیسي اطلاق سره به راروانو 10كلونو كښې د زهریلی ګاز په اخراج كښې اوسطاً 40 فیصد کمے راشي۔ دغسې د پالیسۍ كوټلي او یقینی اطلاق لپاره يو نېشنل ایکشن کمېټی او يوه ټیکنیکل کمېټی جوړولې شي۔ نېشنل ایکشن کمېټی به نه يواځي په دې اړه د پالیسۍ لارښوونه كوي بلکه هر 5 كاله پس به پالیسۍ كښې زمكيز حقائق تر مخه په دې كښې ضروری بدلون كولې شي۔ ټیکنیکل کمېټی به د پالیسي اطلاق سره په دې عملدرآمد باوري كوي او نېشنل ایکشن کمېټی به په دې رپورټ وړاندې كوي۔ وفاقی کابیني ته د پاور ډویژن د اړخه د توان بچت په اړه په تګلاره هم تفصیلی بریفنګ وركړے شو۔غونډي ته ووئيل شول د پاور وزارتِ ، پټرولیم، صنعت او تجارت وزارتِ او د اطلاعات وزارتِ به د کابیني د اړخه د ټاكلو اهدافو په ترجیحی بنیادونو عملدرآمد باوري كوي۔ دغسې وفاقی کابیني د قانون او انصاف وزارتِ په سفارش د نېشنل نیب ترمیمی آرډیننس 2023 منظوری وركړې ۔ نېشنل اکاؤنټیبلټی آرډیننس 1999 كښې شوي اوسني ترامیم سره ځيني قانونی پیچیدګۍ راپيدا شوي وي دغسې ډير داسې کیسونه كوم چې د نیب آرډیننس دائره کار كښې نه راتلل،نورو عدالتونو، ټربیونلز او فورمز ته منتقل كولو كښې ستونزو سره مخ وؤ،ټول سټیك هولډرز سره د مشاورت نه پس نیب آرډیننس XVIII كښې دا ترامیم شوے٬ دې نه پس احتساب عدالتونو ته د هغه کیسز منتقل كولو له به قانوني جواز ترلاسه شي، د دې ترامیم سره به دا تاثر هم زائل شي چې داسې کیسز كوم چې د نیب آرډیننس دائره کار كښې نه ؤ،هغه به ډی کریمینلائز شي ۔ دغسې وفاقی کابیني د حج پالیسي 2023 باضابطه منظوری وركړې ۔ د وزیراعظم محمد شهباز شریف په سپارښتنه د پاکستان حاجیانو ته د مزل او حج په مهال هر ممکن آسانيو وركولو لپاره اعلیٰ چارواكو ته د سعودی عرب چارواكو په مرسته كوټلي تګلاره زر تر زره بشپړه كړې۔ وفاقی کابیني د اقتصادی رابطه کمېټۍ د 01 مارچ 2023 او 6 مارچ 2023 شوو غونډو كښې او د وفاقی کابیني د لیجسلیټو کیسز لپاره د کابینه کمېټی د 6 مارچ 2023 په غونډو كښې د سوو پريكړو هم توثیق كړے ۔
د وزیراعظم محمد شهباز شریف په مشرۍ كښې د وفاقی کابیني غونډه، د حج پالیسی 2023 ،د نېشنل کلین ایئر پالیسي او د نیب ترمیمی آرډیننس 2023 منظوري وركرې شوه
مضمون کا ماخذ : comprar raspadinha
متعلقہ مضامین
