اسلام آباد ۔ 18 مارچ (اے پی پی) وزیراعظم دے معاون خصوصی برائے سمندر پار پاکستانیز سید ذوالفقار عباس بخاری چین دے صوبہ ووہان اچ پاکستان طلباءکوں دوائیاں نہ ملنڑ دی شکایتاں دا نوٹس،حکام کوں ڈوائیں یقینی بنڑاونڑ اتے ایں بارے رپورٹ پیش کرنڑ دی ہدایت کیتی اے۔انہاں اے ہدایت بدھ کوں چین دے صوبہ ووہان اچ موجودپاکستانی طلباءدے والدین دی ملاقات اچ آکھی۔ایں موقع تے انہاں والدین کوں یقین ڈوایا جو انہاں دے بال چین اچ اتھوں چنگے ہن کیونجو چین کوروناوائرس نال چنگے طریقے نال لڑدا پئے۔زلفی بخاری آکھیا جو چین کلھا ملک اے جتھاں کوروناوائرس دے کیسز گھٹ تھیندے پئن،تفتان توں آئے زائرین دی صورتحال تساڈے سامنڑے اے۔انہاں بیا ڈسیا جو چین اچ موجود1179اچوں 993ءطلباءکوں پیسے بھیج ڈتن جنہاں اچوں 935طلباءرقم ملنڑدی تصدیق وی کر ڈتی اے۔1179طلباءسانگے پندرہ ڈینھ دا امدادی سامان اج خمیس کوں اسلام آباد توں روانہ کیتا ویسی۔
معاون خصوصی سید ذوالفقار عباس بخاری نال چین دے صوبہ ووہان اچ موجودپاکستانی طلباءدے والدین دی ملاقات
مضمون کا ماخذ : جادوئی اسپن
متعلقہ مضامین
