اسلام آباد۔24ستمبر(اے پی پی)وزیر اعظم عمران خان وئيلي دي طالبان امن لپاره امريكا سره همكاري كولې شي٬ امريكا افغانستان كښې نوي حكومت سره په ګډه شريكې ګټې او سيمه ايز استحكام ته وده وركولې شي۔ افغانستان د شخړو او د تېرو حكومتونو د ناكامو د لاسه انساني بحران سره مخ دے۔ سوله ايز افغانستان د پاكستان په ګټه دے ، چې ورسره به د تجارت او پرمختيائي منصوبو نوې لارې پرانستلې شي، د څلورو لسيزو روانې جګړې او شخړو د افغانستان په معيشت ٬ ټولنه او سياست ناوړه اغېز پرېباسلي ٬ امريكا ٬ چين او ورسيه له به په ګډه د افغانستان يبا ودانۍ له د خپلې برخې كردار ترسره كول وي ، پاكستان به د افغانستان د نورو ګاونډيانو هېوادونو سره په ګډه د نوي افغان حكومت د تسليمولو پرېكړه كوي٬ هند د امريكائي ستراتيجيكي ګټې بشپړېدو له كله هم د چين مقابله نشي كولې۔ د جمعې په ورځ امريكائي مېګزين’’نیوز ویک‘‘ سره مركه كښې وزيراعظم ووئيل د امريكائي پوځ وتلو نه وروستو طالبانو په تېرو 40 كلونو كښې په وړومبي ځل د ګرد هېواد كنټرول ترلاسه كړے چې ورسره په ګرد افغانستان كښې د امنيت راتلو كېدو له هيله پېدا شوې ۔ هغه ووئيل افغانستان د پخوانو حكومتونو د ناكامو د لاسه انساني بحران سره مخ دے ، دا بايد په ترجيحي بنيادونو حل كړې شي۔ دې سره سره افغانستان كښې د مېشته ترهګرو په خاص توګه د ټي ټي پي اثر ختمولو له به د كابل چارواكو سره په ګډه كار كول وي۔ د يوې پوښتنې په ځواب كښې وزيراعظم ووئيل پاكستان او امريكا له به افغانستان كښې د ترهګرۍ مخنيوے كول وي۔ دې مقصد لپاره مونږ له به په انساني بحران قابو موندلو او د معاشي بحالۍ ملاتړ كولو سره د افغانستان استحكام له دوه اړخيزه مرسته كول وي۔ هغه ووئيل دې كښې شك نشته چې د كابل نه د امريكا د ناڅاپي وتلو منفي اغېز رامخې ته شوے٬ بياهم امريكې په خپله خوښه د افغانستان څخه خپل پوځونه ستانه كړي ٬ له دې كبله زه ګمان نه كوم چې د امريكې شهرت اغېزمند شوے۔ هغه ووئيل كه چين افغانستان ته د اقتصادي مرستې وړاندېز وركړي نو افغان اولس به دا قبول كړي۔ وزيراعظم ووئيل طالبانو د سي پېك منصوبې او د چين سره نزدې اړيكو ته هركلے وئيلے ٬ بياهم امريكا په افغانستان كښې د بشري مرستې د لارې د افغانستان بحالۍ او بيا ودانۍ كښې برخه اخستو او په ترهګرۍ قابو موندلو له يو مهم او مثبت كردار ترسره كولے شي۔ د اسلامي امارات افغانستان نوي حكومت تسليمولو په اړه د يوې پوښتنې په ځواب كښې هغه ووئيل طالبانو يو عبوري حكومت جوړ كړے او په دې كښې شك نشته چې وروستو به دوي د مستقل حكومت ساخت اعلان كړي۔ عمران خان ووئيل يو وارې كله چې په ټول هېواد د كابل حكومت كنټرول ترلاسه كړي نو بيا په قانوني توګه به هغه د تسليم كولو اهل شي۔ بياهم پاكستان به د افغانستان نورو ګاونډيانو سره په ګډه د نوي حكومت په اړه پرېكړې ته رسېدو ته ترجيح وركوي۔ د يوې پوښتنې په ځواب كښې وزيراعظم ووئيل افغانسان كښې داسې ترهګرې ډلې موندلې كېږي كومې چې د افغانستان شخړې نه ګټه پورته كولو له هلته پناه اخلي۔ هغه ووئيل پاكستان د افغانستان لخوا د ترهګرۍ او په خاص توګه د ټي ټي پي خطرې په اړه اندېښنه لري٬ چا چې د افغانستان خاوره د ځينې خفيه ايجنسيو سرپرستۍ او مرستې په اساس د پاكستان په ضد د زرګونو په شمېر بريدونه كړي۔ هغه ووئيل ټي ټي پي پاكستان كښې په كار كوؤنكو چينائې وګړو د زياتو بريدونو كولو ذمه وار هم پاتے شوے٬ شايد دوي ته د ايسټ تركستان اسلامك موومنټ (ای ټی آئی اېم) مرسته هم ترلاسه وي۔ هغه ووئيل پاكستان به افغانستان كښې چارواكو سره په ګډه د ټي ټي پي او نورو ترهګرو افغانستان څخه د كارروائيو مخنيوي له كار كوي۔ وزيراعظم ووئيل د هند لخوا د زياتې وسلو اغستو مقصد په سوئيلي آسيا كښې خپل تسلط برقرار ساتل او په خاص توګه پاكستان ته دړكې وركول دي۔ هغه ووئيل د هند په ټولو پوځي صلاحيتونو كښې 70 فيصده د چين نه د پاكستان په ضد تعينات كړې شوي٬ له دې كبله پاكستان هند ته د عصري وسلو او ټېكنالوجۍ وركړې په اړه جائز تحفظات لري۔ هغه ووئيل مونږ دا ګڼو چې د امريكا او چين اوسنۍ دښمني غېر ضروري او د دواړو نړيوالو قوتونو ګټې په ضد ده۔ د دواړو قوتونو ترمينځه مرسته به دواړو له ګټوره وي او دغه يو شمېر نړيوالو مسئلو حلو كولو له ضروري ده كومو سره چې مونږ مخ يؤ۔ هغه ووئيل هيله لرؤ چې بيجنګ او واشنګټن دواړه به په نزدې سباؤن كښې يوې نتيجې ته ورسي۔ وزيراعظم ووئيل پاكستان كښې د امريكا او د جي سېون ” د غوره نړۍ تعمير” د اقدام هركلے شوے۔ مونږ دا د چين د’بېلټ اېنډ روډ انېشېټو‘ په ضد نه ګڼو۔ دا يو داسې ګام دے كوم چې د انفراسټركچر او نورو منصوبو په تعمير كښې مهم كردار ترسره كولے شي۔ افغانستان څخه د پوځي انخلاﺀ اغېز په اړه د يوې پوښتنې په ځواب كښې وزيراعظم ووئيل د څلورو لسيزو جګړې او شخړو د افغانستان په معيشت ٬ ټولنه او سياست ناوړه اغېز پرېباسلے۔ د اوږد جنګ ختمېدو نه وروستو افغانستان او منطقه كښې د امن ٬ استحكام او پرمختګ لپاره نن يو اميد راپېدا شوے۔ هغه ووئيل افغانستان كښې د 20 كلنې پوځي لاس وهنې نه وروستو نړيواله ورورولي د افغان اولس په اړه ځان بري ګرځولې نه شي ٬ دوي له به افغانستان سره جوخت پاتې كېدل وي۔ مونږ هيله لرؤ چې افغانستان به د اقتصادي مرستې ٬ رابطو او د بنيادي اډانو منصوبو د لارې مستحكم كړے شي او امريكا ٬ چين او روس به په ګډه د افغانستان په بيا ودانۍ كښې برخه واخلي۔ وزیر اعظم خبردارے وركړو چې كه د افغانستان دننه د سيمه ايزو رياستونو او نړيوالو قوتونو ترمينځه دښمني برقرار پاتې شوه نو افغانستان كښې د تشدد او د شخړو د يو نوي دور د پېل كېدو سبب ګرځېدې شي۔ دې سره به د كډوالو يو نوې بهير رامخې ته شي٬ افغانستان څخه د ترهګرۍ خطره به زياته شي او ټوله منطقه كښې به بې ثباتي رامخې ته شي۔
طالبان امن لپاره امريكا سره همكاري كولې شي٬ امريكا افغانستان كښې نوي حكومت سره په ګډه شريكې ګټې او سيمه ايز استحكام ته وده وركولې شي۔ وزيراعظم عمران خان
مضمون کا ماخذ : گرم گرم
متعلقہ مضامین
