جیکب آباد۔28فروری (اے پی پی):وزیر خارجہ شاہ محمود قریشی آکھیے جو پیپلز پارٹی دے لانگ مارچ اچ سندھ حکومت دی سرکاری مشینری استعمال کیتی ویندی پئی اے ، سند ھ پولیس اتے فائر برگیڈ دیاں ڳاݙیاں اچ پیپلز پارٹی دے جھنڈے ونڈیے ویندے پئن ، ھک پاسے سندھ حقوق مارچ اے اتے ݙوجھے پاسے سندھ حکومت دا سرکاری مارچ اے جیں وچ سرکاری وسائل دا استعمال کیتا ڳئے ، اے عوامی حقوق تے ڈاکہ کائنی تاں کیا اے ، سارے محکمے سندھ حکومت ک??ے ہن تاں پیپلزپارٹی 15 سال اچ صوبے دے مسئلے کیوں نی حل کیتے ۔جیکب آباد اچ میڈیا ںال ڳالھ مہاڑ کر??ندے ہوئیں وزیر خارجہ شاہ محمود قریشی دا آکھݨ ہئی جو وزیر اعظم عمران خان کوں قوم دی تکلیف دا احساس اے سندھ دے عوام کوں پیپلز پارٹی توں نجات ݙویسوں ۔وزیر اعظم عمران خان ملک کوں لٹݨ آلے مافیا دا مقابلہ کرݨ نکل پئن ، جیویں وزیر اعظم عمران خان خیبر پختونخوا توں عوام دشمن جماعتاں دا خاتمہ کرتے نکلیے ین ول ??نجاب اچ آئے، گلگت بلتستان اتے آزاد کشمیر ڳئے ، ہݨ سندھ اچ وی وزیر اعظم عمران خان آوݨ آلے ہن ۔انہاں آکھیے میں سندھ دے لوکاں دا شکریہ ادا کر??نداں جیڑھا جو سندھ حقوق مارچ دا جاہ جاہ ا??تق??ال کر??ندن ھک سوال دے ولدے اچ انہاں آکھیے جو جے لاڑکانہ دی انتظامیہ اچ زرا وی سجھ ٻجھ اے تاں او تحریک انصاف دے قافلے کوں نہ روکیسی کیوں جو اساں پنجاب اچ پیپلز پارٹی دا راستہ نہ روکݨ دا فیصلہ کیتے ۔
پیپلز پارٹی دے لانگ مارچ اچ سندھ دی سرکاری مشینری استعمال کیتی ویندی پئی اے ، سارے محکمے سندھ حکومت کنے ہن تاں 15سال اچ صوبے دے مسئلے کیوں نی حل تھئے ، شاہ محمود قریشی
مضمون کا ماخذ : میگا ملینز کا بونس
متعلقہ مضامین
