اسلام آباد۔4اکتوبر(اے پی پی)وزیر اعظم عمران خان دی ??ڳواݨی اچ ہک اہم اجلاس تھئے جیندے اچ آئی سی آئی جے ولوں نویں پینڈورا لیکس سانڳے انکشافات اتے ایندے اچ آوݨ آلے پاکستانیاں دے ناواں دا جائزہ ڳھدا ڳئے۔ وزیراعظم عمران خان پنڈورا لیکس دی ??حقیقات کیتے ہک خصوصی سیل ٻݨا ݙتے۔ اطلاعات اتے نشریات دے وفاقی وزیر اجلاس دے فیصلیاں سانڳے ہک ٹویٹ اچ ݙسائے جو وزیراعظم پینڈورا لیکس دی ??حقیقات کیتے ہک خصوصی سیل ٻݨا ݙتے، ایف بی آر، ایف آئی اے اتے نیب دے نمائندے سیل اچ شامل ہوسن۔ اے سیل جیڑھا پنڈورا لیکس اچ آئے پاکستانیاں دے اثاثیاں، آمدمن دے ذرائع دی چھان پھٹک، تحقیقات کریسی اتے ݙیکھسی جو انہاں کوئی ٹیکس وی ݙتے، کوئی چوری یا منی لانݙرنگ تاں نئیں کیتی؟ سیل دے قانونی امور دی نگرانی وزارت قانون کریسی۔ انہاں آکھیے جو اے سیل وزیراعظم معائنہ کمیشن دے تحت ٻݨایا ڳئے اتے ایں سانڳے سارے حقائق ق??م دے سامݨے رکھیے ویسن۔ ایں توں پہلے وزیر اعظم پنڈورا لیکس دا خیر مقدم کریندے ایندی ??حقیقات کراوݨ دا اعلان کیتا ہا۔ انہاں دا آکھݨ اے جو اینڄھے لوک ترقی پذیر ملکاں دا مال لٹ تے امیر ملکاں جائیداداں ٻݨیدن اتے آف شور کمپنیاں ??ال کالا دھن چٹا کریندن جیندی ??حقیقات تھیوݨی چاہیدی ??ے اتے کرپشن سودھا منی لانڈرنگ دا رستہ رکݨا چاہیدے۔ انہاں آکھیے جو اے بدقسمتی اے جو اکثر میڈیا مالکان دے ناں پنڈورا لیکس اچ ہین، کئی میڈیا مالکان تے منی لانڈرنگ دے وی الزام لڳدے رہین، ایندے تے وزارت اطلاعات تحقیقات کریندی پئی اے، پیمرا کوں توں وی جواب طلبی کریسوں۔
وزیراعظم عمران خان دی اڳواݨی اچ اہم اجلاس، پنڈورا لیکس دی تحقیقات کیتے خصوصی سیل ٻݨا ݙتے
مضمون کا ماخذ : خداؤں کی عمر
متعلقہ مضامین
