اسلام آباد۔22نومبر(اے پی پی) وفاقی وزیر داخلہ محسن نقوی نیشنل پولیس اکیڈمی کوں یونیورسٹی دا درجہ ݙیوݨ تے پاکستان ملٹری اکیڈمی کاکول طرز دا ادارہ بݨاوݨ دا عزم کریندے آکھئے پولیس اکیڈمی اچ بط??رسزا افسراں کوں تعینات کرݨ دی روایت ختم کرݨی ہوسی ، 10 آئی جیز پولیس اکیڈمی دی آنرشپ گھن گھنن تاں اساں چنڳے افسراں کوں فیلڈ اچ گھن آسڳسوں،پولیس افسر آپݨی ذمہ واریاں، عوام دی خدمت اتے ادارے دی ترقی تے توجہ ݙیون ۔ او نیشنل پولیس اکیڈمی اچ اے ایس پیز 50 کامن دی پاسنگ آؤٹ پریڈ توں خطاب کریندے پئے ہن ۔ وزیر داخلہ محسن نقوی سارے کامیاب تھیوݨ آلے افسراں کوں مبارخ ݙیندے آکھیے جو تربیت مکمل کرݨ آلے افسراں سا??ڳے ساریں توں اہم چیز عوام نال چنڳاں رویہ تے انھاں دی خدمت اے ، جے تساں دیانت داری نال عوام دے مسئلے حل کریندو توں تساں ہر میدان اچ کامیاب تھیسو ۔نیشنل پولیس اکیڈمی کوں عالمی معیار تے گھن آوݨ دا عزم کریندے انھاں نیشنل پولیس اکیڈمی کوں پاکستان ملٹری اکیڈمی دے طرز تے ھک بین الاقوامی معیار دی اکیڈمی بݨاوݨ سا??ڳے وختی اقدامات دا اعلان کیتا۔ وزیر داخلہ آکھیے اساں اکیڈمی کوں جدید بݨاوݨ سا??ڳے50 ک??وڑ روپے دا بندوبست کرڳھدے، جنھاں اچ 25 ک??وڑ نیشنل پولیس فاؤنڈیشن اتے 25 ک??وڑ حکومت دی طرفوں ݙتے ویسں ۔بہترین افسراں دی تعیناتی اتے فیکلٹیز دی ترقی سا??ڳے وزیر داخلہ آکھیے ایں اکیڈمی اچ بہترین افسراں دی تعیناتی یقینی بݨائی ویسی تے انھاں دے الاؤنسز عام پولیس افسراں توں زیادہ ہوسن تاں جو اے پوسٹ عزت اتے ماݨ دا باعث ہووے ۔ انھاں زور ݙتے اے روایت ختم کیتی ونڄے جو اتھاں سزا دے طور تے افسراں کں تعینات کیتا ونڄے ۔فائرنگ دی سہولت تے جدید ٹریننگ سینٹرز دے حوالے نال وزیر داخلہ آکھیے اکیڈمی اچ فائرنگ دی سہولت دی کمی کوں مکاݨ سا??ڳے ٹاسک فورس بݨاوݨ دا اعلان کیتے تے آکھیے جو اساں جدید ٹریننگ سینٹرز بݨیسوں جتھاں ملک دے مختلف حصیں توں لوک تربیت سا??ڳے آسن ، نیشنل پولیس اکیڈمی کوں یونیورسٹی دے معیار تئیں گھن ونڄݨ سا??ڳے تجویز تے کم کیتا ویسی ۔وزیر داخلہ امید ظاہر کیتی جو نویں پولیس افسرعوامی خدمت اچ اعلیٰ کردار نبھیسن۔
