لاہور۔ 5 مارچ (اے پی پی)پورے ملک اچ تریمتاں دا عالمی ڈینھ 8مارچ کوں منایا ویسی ۔ایں ڈینھ دی مناسبت نال پورے ملک اچ تریمتاں دے حقوق دے تحفظ کیتے کم کرنڑ آلیاں تنظیماں ،سرکاری تے غیر سرکاری سطح تے تریمتاں کیتے کم کرنڑ آلے اداریں دے اہتمام نال سیمینارز تے تقریباں دا انعقاد کیتا ویسی ۔اپنڑے بیان اچ محکمہ تحفظ خواتےن دی ترجمان آکھیے جو ایں ڈینھ کوں مناونڑ دا مقصد تریمتاں کوں معاشرے اچ انہاں دے مقام دی اہمیت تے انہاں کوں حاصل تھیونڑ آلے مذہبی تے قانونی حقوق بارے آگاہی تے شعور ڈیونڑاں اے ،اساں ایں ڈینھ کوں منا تے معاشرے اچ تریمتاں دے کردار دی اہمیت تے افادیت کوں تسلیم کریندوں ۔انہاں آکھیے جو دنیا اچ کوئی معاشرہ اپنڑی ادھی آبادی کوں پچھوں رکھیندے ہوئیں کامیابی نال اگی تے نئی ودھ سگدا جڈاں تئیں معاشرے دا ہک اہم حصہ اپنڑاں کردار چنگے طریقے نال ادا نہ کرے ۔کیوں جو انہاں دی شمولیت دے بغیر ملکی ترقی ممکن کائنی ۔انہاں آکھیے جو تریمتاں کوں با اختیار بنڑاونڑ تے مضبوط روایات کوں پروان چڑھاونڑ دی خاطر اساکوں اپنڑاں کردار چنگے انداز اچ نبھاونڑ دی ضرورت اے ۔
تریمتاں دا عالمی ڈینھ 8مارچ کوں منایا ویسی ،سرکاری تے غیر سرکاری سطح تے تقریباں تھیسن
مضمون کا ماخذ : prêmios dupla sena
متعلقہ مضامین
