اسلام آباد 04 اكتوبر (اے پي پي) د صدر مملكت ډاكټر عارف علوي لخوا مېډيا ته د برېسټ كېنسر په اړه د خبرتيا كمپائن لپاره خطوط لېږل شوي دي. صدر مملكت مېډيا ته وئيلي دي چې هغه دې په مېرمنو كښې د سينې كېنسر په اړه خبرتيا لپاره د حكومت او د سول سوسائټې د هڅو ملګرتيا وكړي چې دغسې د مكمل معلوماتو، زر تشخيص او په وخت د علاج معالجې د لارې قېمتي انساني ژوند د دې ناروغې څخه بچ كړې شي. صدر مملكت ووئيل چې په پاكستان كښې په مېرمنو كښې 44 فيصد كېسونه د سينې د كېنسر دي، د زر تشخيص په نتيجه كښې د مرض څخه د نجات ترلاسه كېدو امكان 98 فيصد دے. ده ووئيل چې په ټولنه كښې د ممنوع موضوع له امله مېرمنې د مرض زر تشخيص ونه كړې شي، د زر تشخيص نه كېدو په وجه د سينې په كېنسر كښې اخته 50 فيصده مېرمنې ژوند د لاسه وركړي. صدر مملكت ووئل چې بايد د مېرمنو هر درې مياشتو كښې يو ځل د خپلې معائنې كولو ډاډګېرنه وشي. د خبرتيا نشتوالي او بيا ډاكټر ته په مراجعه كښې د تاخير پشان عوامل د سينې د كېنسر څخه د زياتو مرګونو د شرح سبب دي. ناوخته د تشخيص په وجه په يو لك كښې 50 زره مېرمنې فوت كېږي.صدر مملكت ووئيل چې بېګم ثمينه علوي او د هغې ډلې د برېسټ كېنسر په اړه په اكتوبر كښې د خلقو خبرتيا لپاره بېلا بېل پروګرامونه ترتيب كړي دي. په دې پروګرامونو كښې به په خپله د تشخيص او په وخت د تشخيص اهميت په ډاګه كولې شي. ده ووئل چې مېډيا تېر كال د برېسټ كېنسر په اړه په تعليم وركولو كښې د خبرتيا موثر كمپائن چلولې، مېډيا دې په خبرونو، ټالك شوز، آرټيكلز او اېډيټوريل كښې په دې اړه خبرتيا پېدا كولو لپاره خپل كردار ترسره كړي. صدر مملكت ووئيل چې مېډيا دې په مېرمنو كښې د سينې كېنسر په اړه خبرتيا لپاره د حكومت او د سول سوسائټې د هڅو ملګرتيا وكړي. د مېډيا تنظيمونه دې د برېسټ كېنسر په اړه خبرتيا پېدا كولو لپاره خپلو لوګو ته ګلابي رنګ وركړي. ده ووئيل چې په دې لړ كښې به اجتماعي هڅې مرسته كوونكې ثابتې شي.
مېډيا دې په مېرمنو كښې د سينې كېنسر په اړه خبرتيا لپاره د حكومت او د سول سوسائټې د هڅو ملګرتيا وكړي. د صدر مملكت ډاكټر عارف علوي لخوا مېډيا ته خطوط
مضمون کا ماخذ : میگا جیک پاٹس: کلیوپیٹرا
متعلقہ مضامین
