اسلام آباد ۔ 19 دسمبر (اے پی پی) وزیراعظم عمران خان چیئرمین ایف بی آر کوں بلڈرز اتے کنسٹرکٹرز دے جائز مسائل تیکھے حل کرنڑدی ہدایت کریندے آکھیے جو تعمیرات دے شعبے نال جڑیاں 40صنعتاں ،ایں شعبے دی ترقی نال نینگراں کیتے ملازمتں دے موقع نکلسن۔اے گالھ انہاں حکومتی معاشی ٹیم دے اجلاس دی صدارت کریندے آکھی۔ اجلاس اچ وفاقی وزیرِ مواصلات مراد سعید، وفاقی وزیر اقتصادی امور حماد اظہر، وفاقی وزیر برائے نیشنل فوڈ سیکورٹی مخدوم خسرو بختیار، وزیراعظم دے مشیر خزانہ عبدالحفیظ شیخ، وزیراعظم دے مشیر تجارت عبدالرزاق داو ¿د، وزیراعظم دی معاون خصوصی ڈاکٹر فردوس عاشق اعوان، وزیراعظم دے معاون خصوصی برائے اوورسیز پاکستانیز سید ذوالفقار عباس بخاری، وزیراعظم دے معاون خصوصی برائے پٹرولیم ندیم بابر، سابق وزیر خزانہ شوکت ترین، چئیرمین سرمایہ کاری بورڈ سید زبیر گیلانی، چیئرمین ایف بی آر شبر زیدی، چیئرمین نیا پاکستان ہاوسنگ اتھارٹی لیفٹیننٹ جنرل (ر) انور علی حیدر، ایگزیکٹو ڈائریکٹر این آئی ٹی بی سید شباہت علی شاہ واتے بئے افسران شرکت کیتی۔اجلاس ملک دی مجموعی معاشی صورتحال، معاشی عمل تیکھا کرنڑاتے ہنرمنداں ،نینگراں کوںملازمتاں ڈیونڑ کیتے تعمیرات دے شعبے دے ودھارے، ترسیلات زر خصوصاً بیرون ملک پاکستانیاں ولوں بھیجی ونجنڑآلی رقوم تے مراعات پیکیج بارے معاملات تے الایا۔اجلاس کوں الیکٹرنک ادائیگیاں بارے ای پیمنٹ گیٹ وے دے قیام تے پیش رفت دی تفصیلی بریفنگ ڈتی گئی۔ چیئرمین نیا پاکستان ہاو ¿سنگ اتھارٹی اجلاس کوں تعمیرات دے شعبے دی ترقی کیتے اقدامات،بلڈرز اتے کنسٹرکٹرز دے مسلیاں دے حل بارے ڈسایا۔وزیراعظم آکھیا جو تعمیرات دے شعبے دی ترقی حکومتی دی اگونہی ترجیح اے،ایںشعبے نال جڑیے فریقاں کوں ودھ توں ودھ سوکھ ڈتا ونجے،لوکاں کوں سستے گھر ڈیونڑ نال رہائش دے مسائل حل تھیسین اتے روزگار ملسی،صنعتاں کوں وی ترقی دا موقع ملسی۔انہاں آکھیا جو بیرون ملک پاکستانیاں ولوں بھیجی ونجنڑ آلی رقم دے تحفظ،قانونی طریقے نال بھجواونڑاچ سوکھ دتا ونجے اتے مراعات ڈتی ونجے۔انہاں ایں سانگے تجویزاں کوں حتمی شکل ڈیونڑ دی ہدایت کیتی اتے ایندے سانگے مشیر خزانہ ڈاکٹر عبدالحفیظ شیخ، معاون خصوصی سید ذوالفقار عباس بخاری، سابق وزیر خزانہ شوکت ترین، سیکرٹری خزانہ اتے اسٹیٹ بنک دے نمائندگان دی کمیٹی بنڑا ڈتی گئی جیھڑی حتمی سفارشاں وزیراعظم کوں ڈیسی۔
وزیراعظم عمران خان دی زیر صدارت حکومتی معاشی ٹیم دا اجلاس،تعمیراتی شعبے دے مسلے تیکھے حل کرنڑ،پاکستان ہاوسنگ منصوبے کیتے سرکاری زمیناں دا استعمال تیز کرنڑ دی ہدایت
مضمون کا ماخذ : بفیلو بلٹز
متعلقہ مضامین
