ڈوپاسہ تعلقات،کورونا عالمی وبائی صورتحال سمیت آپسی دلچسپی دے کئی معاملیاں تے بحث کیتی گئی
کورونا وباءپاروں ترقی پذیر ملکاں کوں درپیش معاشی چیلنجز دے ازالے سانگے عالمی سطح تے ہک جامع اتے سانجھا لائحہ عمل بنڑاونڑ دی لوڑھ اے،‘ وزیر خارجہ مخدوم شاہ محمود قریشی
اسلام آباد ۔ 8 جون (اے پی پی) وزیر خارجہ مخدوم شاہ محمود قریشی آکھیا جو کورونا وباءپاروں ترقی پذیر ملکاں کوں درپیش معاشی چیلنجز دے ازالے سانگے عالمی سطح تے ہک جامع اتے سانجھا لائحہ عمل بنڑاونڑ دی لوڑھ اے۔وزیر خارجہ مخدوم شاہ محمود قریشی دا آئرلینڈ دے نائب وزیراعظم اتے اپنڑے ہم منصب سیمن کووینی نال ٹیلیفونک رابطہ کیتا۔گالھ مہاڑ وچال ڈوپاسہ تعلقات،کورونا عالمی وبائی صورتحال سمیت آپسی دلچسپی دے کئی معاملیاں تے بحث کیتی گئی ۔وزیرخارجہ کوروناوباءپاروں آئرلینڈ اچ تھیونڑ آلے جانی ضیان تے ڈکھ تے افسوس کیتا۔انہاں آکھیا جو کورونادا چیلنج ایں صدی اچ انسانیت کوں پیش آونڑ آلے وڈے چیلنجز اچوں ہک اے۔وزیرخارجہ آئرش ہم منصب کوں پاکستان اچ کوروناوباءدی اجوکی صورتحال اتے پاکستان ولوں کیتے گئے اقدامات بارے ڈسیا۔انہاں آکھیا جو کورونا وباءپاروں ترقی پذیر ملکاں کوں درپیش معاشی چیلنجز دے ازالے سانگے عالمی سطح تے ہک جامع اتے سانجھا لائحہ عمل بنڑاونڑ دی لوڑھ اے۔ آئرش وزیر خارجہ ’ ڈیٹ ریلیف تجویز دی تعریف کریندیں ہوئیں ایں بارے اپنڑے موثر کردار دا یقین ڈوایا۔۔ وزیر خارجہ ’ آئرلینڈ دے نائب وزیراعظم اتے وزیر خارجہ کوں مقبوضہ جموں و کشمیراچ جاری بدترین کرفیو اتے انسانی حقوق دی مسلسل خلاف ورزیاں بارے وی ڈسیا ۔ڈوہیں وزراءخارجہ کورونابارے چیلنج نال نبڑنڑ سانگے سانجھے حکمت عملی بارے آپسی مشورے دا سلسلہ جاری رکھنڑ تے اتفاق کیتا۔
وزیر خارجہ مخدوم شاہ محمود قریشی دا آئرلینڈ دے نائب وزیراعظم اتے اپنڑے ہم منصب سیمن کووینی نال ٹیلیفونک رابطہ
مضمون کا ماخذ : خوش قسمتی کا رش
متعلقہ مضامین
