نيويارك 22 ستمبر (اے پي پي) خارجه وزير مخدوم شاه محمود قريشي وئيلي دي چې د كورونا وبا په مهال بهر مېشته پاكستانيانو د 29.4 اربه ډالرو ترسيلات زر هېواد ته رالېږلي دي، په دې ټول قوم د دوي مننه كوي، د وزيراعظم په هدايت پاكستاني سفارتخانې او مشنز د سمندر پورې پاكستانيانو اسانيې لپاره خاص اقدامات كوي. ده دا خبرې په نيويارك كښې پاكستانې ټولنې ته په خپله وېنا كښې وكړې. دستوره په نيويارك كښې د قونصلېټ جنرل لخوا جوړه شوې وه چې پكښې د كشمير كمېټې چيئرمېن شهريار خان آفريدي، په ملګرو ملتونو كښې د پاكستان دائمي استازي منير اكرم او په امريٍكا كښې د پاكستان سفير اسد مجيد هم ګډون وكړو. خارجه وزير په خپله وېنا كښې ووئيل چې ما لوظ كړے و چې كله زه د ملګرو ملتونو د عمومي اسمبلۍ په غونډه كښې ګډون كولو لپاره راشم نو پاكستانې امريكن ټولنې سره به ضرور ملاقات كوم. ده ووئيل چې د وزيراعظم عمران خان دا هدايت او خواهش ئې هم دے چې د بهر مېشته پاكستانيانو دې خاص خيال وساتلې شي. ده ووئيل چې هغه د نادرا د چيئرمېن مننه كوي چې هغه د كميونټۍ اسانيې لپاره اقدامات وكړل. په تېر وخت كښې به د بهر مېشته پاكستانيانو په ريكارډ ترلاسه كولو كښې ستونزې وې خو اوس به د دې اقداماتو په نتيجه كښې زمونږ د كميونټۍ د كشالو ازاله وشي. مخدوم شاه محمود قريشي ووئيل چې د وزيراعظم عمران خان د وژن له مخې مونږ خپل مشنز ته خاص هدايت كړي دي چې د بهر مېشته پاكستانيانو دې خاص خيال وساتلې شي. ده ووئيل چې د كورونا وبا په مهال بهر مېشته پاكستانيانو د 29.4 اربه ډالرو ترسيلات زر هېواد ته رالېږلي دي چې پكښې د امريكې څخه 3 اربه ډالر رالېږل شوي دي. ده ووئيل چې مونږ بهر مېشته پاكستانيانو لپاره اېف اېم پورټل پېل كړے كوم چې په ابتدائي توګه د نيويارك پشمول په پنځو هېوادونو كښې معرفي كړے شوے، په راتلونكي پړاٶ كښې به دا اسانيې 21 هېوادونو ته پراخا كړې شي او دا لړې به روانه وي. خارجه وزير ووئيل چې تاسو د پاكستان هغه اثاثه ئې كومه چې په خاموشې د پاكستان خدمت كوي. ده ووئيل چې پاكستان د تېرو څلورو لسيزو څخه د 30 لكه افغان كډوالو كوربتوب كوي، پاكستان د كابل څخه په انخلا كښې د بېلا بېلو هېوادونو د سفارتي عملې او وګړو مرسته كړې ده. د افسوس خبره دا ده چې د پاكستان د هڅو نن هغه شان اعتراف نه دے شوے لكه څنګه چې پكار و. نن د بشري حقونو تعظيم په امتيازي توګه ولې كېږي. مونږ د هندوستان په ضد په ډوزيئر كښې ټول ثبتونه نړۍ ته وړاندې كړي دي. ده ووئيل چې نن د مېډيا د لارې وئيل غواړم چې بهر مېشته پاكستانيانو ته د رائې حق وركولو په لار كښې دې خنډونه جوړ نه كړے شي، 90 لكه بهر مېشته پاكستانيان دې د دې حق څخه محروم نه كړے شي. په دې موقع خارجه وزير شاه محمود قريشي پاكستانې امريكن ټولنې لپاره د نائيكوپ، فېملي رجسټرېشن سرټيفيكېټ او وراثتي سرټيفيكېټ اسانيې لپاره په نيويارك قونصلېټ كښې د نادرا د نوي مركز، لينډ ريكارډ سنټر او نوې وېب پاڼې پرانسته وكړه
د كورونا وبا په مهال بهر مېشته پاكستانيانو د 29.4 اربه ډالرو ترسيلات زر هېواد ته رالېږلي دي، د وزيراعظم په هدايت پاكستاني سفارتخانې او مشنز د سمندر پورې پاكستانيانو اسانيو لپاره خاص اقدامات كوي. د خارجه وزير مخدوم شاه محمود قريشي پاكستانې ټولنې ته وېنا
مضمون کا ماخذ : سپر اسپنر
متعلقہ مضامین
