فیصل آباد۔9اکتوبر (اے پی پی) وزیراعظم محمد شہبازشریف آکھیے جو دہشت گردی مکاوݨ تئیں جنگ جاری رہسی، ملکی سلامتی کیتے پاک فوج دے افسراں اتے جواناں دے قربانیاں کوں کݙاہیں بھلایا نئیں ونڄس ڳدا، لیفٹیننٹ کرنل محمد علی شوکت وطن نال وفا دے آپݨے عہد کوں ںبھیندے آپݨا اڄ اساݙے کل تے وار ݙتے، پوری قوم کوں پاک فوج دیاں قربانیاں تے ماݨ اے۔ بدھ کوں وزیراعظم محمد شہبازشریف شمالی وزیرستان دے علاقے سپن وام اچ فتنہ الخوارج دے خلاف لڑدیں ہوئیں شہید تھیوݨ آلے لیفٹیننٹ کرنل محمد علی شوکت شہید دے فیصل آباد اچ آبائی گھر وںج تے انہاں دے ٹبر نال تعزیت اتے شہید کیتے مغفرت دی دعا کیتی۔ وزیر دفاع خواجہ محمد آصف، وفاقی وزیر اطلاعات و نشریات عطا اللہ تارڑ، وزیراعظم دےمش??ر برائے بین الصوبائی رابطہ رانا ثنا اللہ ، سینیٹر ط??ال چوہدری وی وزیراعظم دے نال ہن۔ ایں موقع تے ڳالھ مہاڑ کریندیں ہوئیں وزیراعظم شہباز شریف آکھیا جو پاک فوج دے شہید میں سودھا پوری قوم دا ماݨ ہین، ملکی سلامتی کیتے پاک فوج دے افسراں اتے جواناں دے قربانیاں کݙاہیں نئیں بھلایاں ونڄ سڳدیاں، پاکستانی قوم اپݨے شہیداں اتے انہاں دے ٹٻراں دی ہمیشہ ݙیوݨ دار رہسی، ہر قسم دی دہشت گردی کوں منݙھوں مکاوݨ کیتے پرعزم ہیسے۔وزیراعظم آکھیا جو دہشت گرداں سکیورٹی فورسز دے خلاف کامیاب کاروائیاں کیتن، لیفٹیننٹ کرنل محمد علی شوکت شہید جان دی پرواہ کیتے بغیر دشمن دا ڈٹ تے مقابلہ کیتے، لیفٹیننٹ کرنل محمد علی شوکت وطن نال وفا دے آپݨے عہد کوں ںبھیندے آپݨا اڄ اساݙے کل تے وار ݙتے، لیفٹیننٹ کرنل محمدعلی شوکت 4 اتے 5 اکتوبر دی وچلی رات کوں شمالی وزیرستان دے علاقے سپن وام اچ دہشت گرداں دے خلاف کاروائی دے موقع تے فائرنگ دے تبادلے اچ شہید تھی ڳئے ہن۔ انہاں دے رَلے پاک فوج دے ٻئے پنج جوان وی شہید تھیے جڈانجو چھی خوارجی دہشت گرد جہنم واصل تھین۔
وزیراعظم محمد شہبازشریف لیفٹیننٹ کرنل محمد علی شوکت شہید دے ٹٻر کوں پرچاوݨی
مضمون کا ماخذ : لیپریچون کی خوش قسمتی۔
متعلقہ مضامین
