اسلام آباد ۔ 8 اکتوبر (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو وزیراعظم عمران خان دا دورہ چین ڈوہیں ملکاں وچال پکی تے لازوال یاری دے گانڈھے کوں مزید پکا کریسی،ہمالیہ توں اچی تے سمندر توں جھکی تے ماکھی توں مٹھی یاری محبتاں دی آئینہ دار اے جیں دی اقوام عالم اچ وی آواز سنڑی گئی، اے دورہ معیشت اتے سرمایہ کاری دے شعبیں اچ تعاون دے ودھارے سمیت سٹریٹیجک تعلقات کوں مزید مستحکم کریسی۔ منگل کوں ڈاکٹر فردوس عاشق اعوان اپنڑے ہک ٹویٹ اچ آکھیے جو وزیر اعظم عمران خان دورے دے دوران چینی صدر شی جن پنگ اتے وزیراعظم لی کی چیانگ نال ملاقاتاں کریسن اتے مقبوضہ جموں کشمیراچ تشویشناک صورتحال تے چینی قیادت نال گال مہاڑ دے نال نال سی پیک منصوبیں تے عمل درآمد دے حوالے نال حکومتی تاریخی فیصلیں بارے وی ڈسیسن ۔ ڈاکٹر فردوس عاشق اعوان آکھیے جو مظلوم کشمیریاں دی حمایت اچ پاکستان دے موقف دی تائید تے چین دا شکریہ ادا کریندوں ۔
وزیراعظم عمران خان دا دورہ چین معیشت اتے سرمایہ کاری دے شعبیں اچ سانجھے تعاون کوں فروغ، سٹریٹیجک تعلقات کوں مزید مستحکم کریسی، ڈاکٹرفردوس عاشق اعوان
مضمون کا ماخذ : پھل اور سات
متعلقہ مضامین
