اسلام آباد ۔ 19جون (اے پی پی) وزیر خارجہ مخدوم شاہ محمود قریشی آکھیا جو بی آر آئی اتے سی پیک نال آپسی رابطے ودھاونڑ،اقتصادی تے سماجی ترقی دے ہدف بارے مدد ملسی،پاکستان اتے چین،سی پیک منصوبیاں کوں ویلھے تے پورا کرنڑ سانگے سارے ضروری اقدامات کریندے پئن۔او جمعے کوں بیلٹ اینڈ روڈ بین الاقوامی تعاون تے کرونا عالمی وبائی چیلنج بارے تھیونڑ آلے اعلیٰ سطحی بین الاقوامی کانفرنس نال خطاب کریندے پئے ہن۔وزیرخارجہ چین اتے اوندی قیادت کوں ایں بین الاقوامی کانفرنس کراونڑ تے مبارک ڈتی اتے آکھیا جو میں چین دے وزیر خارجہ وانگ ژی دا خصوصی طور شکریہ ادا کرینداں جیڑھے ایں اہم موضوع کوں اگوں گھن تے ٹرین۔انہاں آکھیا جو کورونا پورے جگ کوں اپنڑے ولھیٹ اچ گھن گھدے۔ایں وباءصحت عامہ کوں تباہی نال ڈو چار کیتے جڈانجو عالمی سیاست،معاشرت اتے معیشت دا وی ضیان کیتے۔انہاں آکھیا جو آئی ایم ایف اپنڑی اجوکی رپورٹ اچ ایں بحران کوں گریٹ ڈپریشن دے بعد ساریاں توں وڈے بحران نال تشبیہ ڈتی اے جیڑھا جو 2008ءدے معاشی بحران توں کہیں ودھ اے۔وزیرخارجہ آکھیا جو اج ساکوں ایں وباءنال نبڑنڑ سانگے چین دی کوششاں دی تعریف کرنڑی پمسی۔اے وائرس پاکستان آیا تاں چین اساڈی بہوں مدد کیتی۔چین دی حکومت اساں نال تعاون سانگے 4 ملین ڈالر، 330000 ٹسٹنگ کٹس،390 وینٹی لیٹرز 830000 این 95 ماسک، 5.8 ملین سرجیکل ماسکس،42000 حفاظتی لباس اتے بئیا قیمتی سامان بھجوایا۔چینی صدر شی دی خصوصی ہدایت تے چینی ڈاکٹراں دی ٹیم پاکستان دے مختلف صوبیاں دا دورہ کیتا اتے اپنڑے تجربے نال اساڈے ڈاکٹراں دی رہنمائی کیتی۔انہاں آکھیا جو عالمی برادری توں گزارش اے جو اومظلوماں کوں بھارت توں نجات ڈواونڑ اتے اوندے بلاجواز کرفیو ختم کرنڑ سانگے بھارت تے دباﺅ پاون تانجو انہاں مظلوماں کوں خوراک اتے دوائیں مل سگن۔
بی آر آئی اتے سی پیک نال آپسی رابطے ودھاونڑ،اقتصادی تے سماجی ترقی دے ہدف بارے مدد ملسی،پاکستان اتے چین،سی پیک منصوبیاں کوں ویلھے تے پورا کرنڑ سانگے سارے ضروری اقدامات کریندے پئن،وزیر خارجہ مخدوم شاہ محمود قریشی دا بین الاقوامی کانفرنس نال خطاب
مضمون کا ماخذ : پاور بال کا ٹکٹ
متعلقہ مضامین
