اسلام آباد ۔ 19 فروری (اے پی پی)سنٹرل ڈویلپمنٹ ورکنگ پارٹی (سی ڈی ڈبلیو پی) دے اجلا?? اچ 806.202 ملین روپے لاگت دے 4 منصوبے منظور، جڈاں جو 7 ارب 404.567 ملین روپے لاگت دے 2 منصوبے مزید منظوری کیتے ایکنک کوں بھجوا ڈتے گن ۔ سنٹرل ڈیویلپمنٹ ورکنگ پارٹی دا اجلاس ڈپٹی چئیرمین پلاننگ کمیشن تے وفاقی وزیر منصوبہ بندی ترقی و اصلاحات مخدوم خسرو بختیار دی زیر صدارت تھیا ۔ اجلا?? اچ سیکرٹری پلاننگ ظفر حسن، وفاقی وزارتاں اتے صوبائی محکمے دے اعلی حکام شرکت کیتی۔ اجلا?? اچ آبی وسائل، صحت، فزیکل پلاننگ اینڈ ہاوسنگ متعلق منصوبے پیش کیتے گے۔ سنٹرل ڈویلپمنٹ ورکنگ پارٹی دے اجلا?? اچ آبی وسائل ڈویژن ولوں کھچی کنال منصوبہ پیش کیتا گیا ۔ کھچی کنال دے منصوبے تے گال مہاڑ کریندے ہوئیں وفاقی وزیر آکھیا جو اے منصوبہ صوبہ بلوچستان دے علاقہ ڈیرہ بگٹی اچ زراعت کیتے پانڑیں دی فراہمی اچ مددگار ثابت تھن۔لکھاں ایکڑ رقبے کوں سیراب کریسی، زرعی پیداوار اچ ودھارا تھیسی ، زرعی صنعتاں دے ودھار?? اچ مدد مل ویسی تے مزید ایں منصوبے دے تحت بلوچستان دی مقامی کمیونٹی کیتے پیونڑ دے صاف پانڑیں دی دستیابی کوں یقینی بنڑیسی ۔اجلا?? اچ وفاقی وزیر منصوبہ بندی مخدوم خسرو بختیار کچھی کینال منصوبے دے تفصیلی جائزے کیتے ہک کمیٹی تشکیل ڈتی جیرھے جو پندرہ ڈینھ دے اندر اندر اپنڑی رپورٹ وزارت منصوبہ بندی کوں پیش کریسی ۔ اجلا?? اچ آبی وسائل ڈویژن ولوں ڈوجھا منصوبہ برج عزیز خان ڈیم پروجیکٹ پشین لورا کیتے 67.407 ملین روپے دی لاگت دا منصوبہ پیش کیتا گیا ۔ ایں منصوبے تے گال کریندے ہوئیں وفاقی وزیر خسرو بختیارآکھیا جو اے منصوبہ کوئٹہ شہر دے لوکاں کوں21 ملین گیلن پانڑیں ڈیسی جیں نال شہر اچ پانڑیں دی گھٹکی تے قابو پاونڑ اچ مدد ملسی ، ایں منصوبے کوں اجلاس منظور کر گھدا۔
وفاقی وزیر منصوبہ بندی، ترقی و اصلاحات مخدوم خسرو بختیار دی زیر صدارت سنٹرل ڈویلپمنٹ ورکنگ پارٹی دا اجلاس
مضمون کا ماخذ : لکی لیپریچون
متعلقہ مضامین
