،باوی ارب روپے دے معاشی پیکیج دی منظری ڈے ڈتی،چارے صوبیاں اچ گڈز تڑانسپورٹ کوں وی سہولتاں ڈیونڑ دی ہدایت کیتی اے
اسلام آباد ۔ 31 مارچ (اے پی پی)وزیراعظم عمران خان دی زیر صدارت وفاقی کابینہ دا اجلاس تھئے جیندے اچ ملک اچ باوی ارب روپے دے معاشی پیکیج دی منظری ڈتی گئی اے جڈاں جوچارے صوبیاں اچ گڈز تڑانسپورٹ کوں وی سہولتاں ڈیونڑ دی ہدایت کیتی گئی اے۔اے گالھ وزیراعظم دی معاون اطلاعات و نشریات ڈاکٹر فردوس عاشق اعوان کابینہ اجلاس بارے میڈیابریفنگ اچ ڈسائی اے۔ انہاںا ٓکھیے جو ایں ویلھے ملک ایمرجنسی صورتحال نال نبڑدا پئے بھل ساکوں حقدار تئیں اوندا حق پچاونڑے،ایں سانگے کابینہ باریاں سو ارب روپے دے معاشی پیکج دی منظوری ڈتی اے اتے لاک ڈاون سانگے اوکھ کوں دیہدے ہوئے فیصلہ کیتا گئے جو پورے ملک اچ گڈز ٹرانسپورٹ کوں سہولت ڈتی ونجے اتے ا ٓمدورفت توں پابندی چائی ونجے،ایں فیصلے دے تحت گڈزٹرانسپورٹ سانگے مخصوص ہوٹل کھولنڑ دی ہدایت کریندے ہوئے رینجرز کوں آکھیا گئے جو اوٹرانسپورٹرز کوں سوکھ کیتے ہتھ ونڈاون۔ڈاکٹر فردوس عاشق اعوان اپوزیشن تے تنقید کریندے آکھیے جو ایں اوکھے ویلھے قومی اتحاد خراب کرنڑ آلے ملک نال مخلص نئیں تھی سگدے،شہباز شریف کوں چاہیدے جو او کرونا تے گندی سیاست کرنڑ دی بجائے آپ قرنطینہ اچ لگے ونجن،اپوزیشن لیڈر دا منفی رویہ ساڈیاں کرونا دیاں خلاف کوششاں کوں کمزور کرنڑ اچ مصروف اے،جیکر اوکوئی قابل عمل تجوزی ڈیسن تاں عمل وی کیتا ویسی۔
وزیراعظم عمران خان دی زیر صدارت وفاقی کابینہ دا اجلاس، معاون خصوصی اطلاعات و نشریات ڈاکٹر فردوس عاشق اعوان دی کابینہ اجلاس بارے میڈیابریفنگ
مضمون کا ماخذ : میگا ملینز آن لائن ٹکٹ
متعلقہ مضامین
